Расійскія навукоўцы кажуць, што вакцыны «Спадарожнік V» і «Эпіваккарона» ўстойлівыя да брытанскага штаму
Спецыялісты расійскага навуковага цэнтра вірусалогіі і біятэхналогіі «Вектар» пацвердзілі эфектыўнасць расійскіх вакцын «Спадарожнік V» і «Эпіваккарона» ў дачыненні да брытанскай мутацыі каранавіруса.
Аб гэтым журналістам у аўторак паведамілі ў прэс-службе Расспажыўнагляду, піша ТАСС.
«У рамках спецыяльна праведзенага параўнальнага даследавання спецыялісты «Вектара» паказалі эфектыўнасць вакцын «Спадарожнік V» і «Эпіваккарона» ў дачыненні да брытанскага варыянту каранавіруса.
Абарончы эфект быў прадэманстраваны ў рэакцыях нейтралізацыі з выкарыстаннем сыроватак, атрыманых ад людзей, прышчэпленых вакцынамі», і якія змяшчаюць антыцелы да віруса SARS-CoV-2», — гаворыцца ў паведамленні.
Адзначаецца, што сыроваткі прышчэпленых грамадзян эфектыўна нейтралізавалі як брытанскі варыянт каранавіруса, так і звычайны.
Цікава, што «Вектар» і распрацаваў «Эпіваккарону».
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі27
Каментары