У гродзенскім клубе забаранілі выконваць караоке «з палітычным падтэкстам». Такое абмежаванне там упершыню
19 кастрычніка ў сеціве з’явілася фота дакумента, згодна з якім у адным з кафэ Гродна з 20 жніўня дырэктар забараніў выконваць у караоке «Перемен» Віктара Цоя і «выкрыкваць лозунгі з палітычным падтэкстам». Раней падобных забарон у клубе не было, піша Hrodna.life.
З 20 жніўня ў кафэ-клубе «Чемпи» забаранілі выконваць папулярную цяпер песню Віктара Цоя «Перемен» і песні са «схаваным палітычным падтэкстам». Ацэньваць наяўнасць падтэксту мусіць адміністратар. Таксама нельга падчас выканання выкрыкваць лозунгі «з палітычным падтэкстам» — у такім выпадку песню будуць спыняць. Ну, а калі лозунгі пачнуць выкрыкваць усе госці і не будуць супакойвацца — кіраўнічка прапанавала звяртацца па дапамогу да праваахоўнікаў.
«Мы не будзем каментаваць гэтую сітуацыю, усяго добрага», — сказала дырэктар Наталля Забашная адразу ж, як толькі карэспандэнт Hrodna.life назваў сябе, без аніякага пытання. Каментар кіраўніцтва атрымаць так і не ўдалося.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары