На Мінскай кальцавой загінуў сабака. Адзін з відавочцаў расказаў, што сабаку папросту выкінулі з машыны. Гэты факт ён зняў на відэарэгістратар і размясціў на YouTube, паведамляюць «Мінск-Навіны».
На кадрах роліка відаць, як 28 верасня ў 15:11 невядомы мужчына на чорным уседарожніку, верагодна Volkswagen Tiguan, пакідае сабаку на абочыне МКАД у раёне 10-й гарадской клінічнай бальніцы. Па словах аўтара роліка, у бакавое люстэрка было відаць, як мужчына зачыніў дзверы аўто і з'ехаў «кінуўшы сабаку аднаго на волю лёсу». Таксама можна было заўважыць, што сабака спрабаваў дагнаць машыну.
Калі аўтааматар, які стаў сведкам гэтай карціны, ехаў назад па вонкавым коле МКАД, у гэтым жа месцы ў трэцім шэрагу побач з адбойнікам убачыў таго сабаку. Ён быў мёртвы. Верагодна, сабаку збіла іншая машына, бо жывёла бегла да кожнай, спадзеючыся, што гаспадар вярнуўся.
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве41
Каментары