Вадзім Пракоп’еў: Калі я б стаў мэрам Мінска, перайменаваў бы ў гонар Нямцова вуліцу, на якой знаходзіцца пасольства Расіі
Вядомы мінскі рэстаратар Вадзім Пракоп'еў, які нядаўна з'ехаў з краіны дзеля пачатку бізнэсу ў Сінгапуры, у інтэрв'ю «Пра бізнэс» распавёў пра першыя крокі, якія ён зрабіў бы на пасадзе мэра Мінска.
«Я не буду цяпер спекуляваць аб усіх першых рашэннях на пасадзе мэра, якія б я прыняў. Але я магу расказаць пра першае і, напрыклад, пра сотае. Першае рашэнне — вуліца Старавіленская, на якой знаходзіцца расійскае пасольства, пераймяноўваецца ў вуліцу Нямцова. На мой погляд, гэта герой Беларусі, які зрабіў усё, каб хцівы і непрадказальны ўсходні сусед стаў цывілізаванай краінай. Сотае рашэнне — вярнуць сэксапільных рэгуліроўшчыц на мінскія скрыжаванні, як гэта было падчас Еўрапейскіх гульняў», — сказаў бізнэсмен.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары