Валерый Цапкала пракаментаваў рэгістрацыю ягонай ініцыятыўнай групы:
«Заўтра пачынаем збор подпісаў. Хочам сабраць ад 120 да 150 тысяч», — сказаў ён.
На пытанне «НН», ці ёсць у Беларусі фальсіфікацыі выбараў, Цапкала адказаў: «Мы верым у тое, што ў Рэспубліцы Беларусь існуюць законы і яны працуюць».
— Ці ідзяце на выбары, каб атрымаць перамогу?
— Безумоўна.
Цапкала мяркуе, што ў краіне ёсць негатыўны кантэкст у дачыненні апазіцыі.
«Мы не кажам, што супраць кагосьці, а за новую Беларусь, за рэформы. Мы кажам, куды краіна павінна рухацца.
Патрэбныя рэформы ў сельскай гаспадарцы, прамысловасці, дзяржаўным кіраванні, адукацыі, ахове здароўя. Амаль ва ўсіх сферах».
Каментары