31 сакавіка адмянілі загад ад 26 сакавіка аб часовым спыненні прафаглядаў
Загадам першага намесніка міністра аховы здароўя Беларусі № 369 ад 31 сакавіка быў адменены загад міністэрства № 344 ад 26 сакавіка аб часовым спыненні правядзення прафаглядаў у паліклініках.
Пяццю днямі раней міністэрства загадала спыніць прафагляды з 30 сакавіка да 20 красавіка. Адпаведныя абвесткі з'явіліся ва ўсіх паліклініках Беларусі. Пра сувязь гэтага спынення з пандэміяй каранавіруса ў загадзе не ўзгадвалася, але такая логіка напрошвалася.
Прыход дадатковай колькасці людзей у паліклінікі павялічвае нагрузку на медперсанал, а таксама павялічае рызыку выпадковага кантакта з хворымі і інфіцыравання.
Шэраг супярэчлівых рашэнняў раней прынялі таксама структуры адукацыі. Спачатку яны катэгарычна адмаўлялі неабходнасць каранціну ў школах, пасля дазволілі бацькам па жаданні не адпраўляць дзяцей у школы.
Беларусь — адзіная з краін рэгіёна, якая не ўвяла строгіх каранцінных абмежаванняў, хоць, згодна з даступнай статыстыкай, колькасць захворванняў у нас з суседнімі краінамі супастаўная.
Нягледзячы на тое, што эпідэмічны стан у краіне не абвешчаны, многія міністэрствы і ведамствы рэалізуюць дэ-факта каранцінныя меры.
Міністэрства ўнутраных спраў прыняло комплекс мер па прафілактыцы вірусных інфекцый у сваім складзе, а таксама ў падведамасных установах, у тым ліку папраўчых установах.
Многія тэатры адмянілі спектаклі, а іншыя пачалі трансляваць іх анлайн, каб зменшыць колькасць наведнікаў у залах. Адмяніў планаваныя экскурсіі і лекцыі Нацыянальны мастацкі музей краіны.
На «прафілактыку» на красавік зачыніўся Мінскі аквапарк — найбольшы ў краіне.
Мы назіраем рэдкі выпадак, калі многія структуры дзейнічалі фактычна ўразрэз з ранейшымі заявамі Аляксандра Лукашэнкі, які некалькі разоў называў каранавірус «псіхозам».
«Я гэты каранавірус называю няйначай як псіхозам і ад гэтага ніколі не адмоўлюся, бо разам з вамі перажыў ужо многія псіхозы, і мы ведаем, да чаго гэта прыводзіла, — заявіў Аляксандр Лукашэнка. — Я абсалютна перакананы, што мы можам больш пацярпець ад панікі, чым ад самога віруса. Вось гэта мяне больш за ўсё хвалюе».
Раней Мінскі метрапалітэн паведаміў, што колькасць пасажыраў у сакавіку паменшала на чвэрць.
Рыторыка беларускіх уладаў у апошнія дні трохі змянілася пасля таго, як з Віцебска і шэрагу іншых гарадоў сталі надыходзіць звесткі пра рост колькасці інфіцыраваных.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары