6 сакавіка Мінскі абласны суд агучыў прысуд траім вяскоўцам з-пад Слуцка, якіх вінавацілі ў забойствах і рабаўніцтве пенсіянераў. Аднаго са злачынцаў прысудзілі да расстрэлу.
33-гадовага Валянціна Бушніна, 25-гадовага Віталя Мяцежа і 29-гадовага Віктара Скрундзіка затрымалі год таму, у лютым 2019 года.
За некалькі месяцаў да гэтага Віктар Скрундзік выйшаў на волю пасля чарговай адсідкі. Трохі пабадзяўшыся па сваяках, ён пачаў рабаваць пенсіянераў. А ў паплечнікі браў бойфрэндаў сваіх сясцёр: Віталь Мяцеж — сужыцель роднай сястры Скрундзіка, Валянцін Бушнін — сужыцель стрыечнай сястры.
Скрундзік забіў дваіх пенсіянераў — аднаго ў вёсцы Ульянаўка, другога ў суседніх Сухоўчыцах. Пасля ён напаў яшчэ на адну пенсіянерку ў Сухоўчыцах, але яна выжыла.
Менавіта праз яе паказанні стала вядома пра забойства 79-гадовага Міхаіла Шугалея ў Сухоўчыцах. Раней следчыя лічылі, што дзед згарэў праз праблемы з грубкай, але высветлілася, што гэта Скрундзік падпаліў яго дом. Пра гэта агаварыўся сам Скрундзік: падчас збіцця пенсіянеркі ён сказаў: «Аддавай грошы, ці будзе табе тое ж, што і Шугалею!»
На судзе пракурор папрасіў расстраляць Віктара Скрундзіка, Віталя Мяцежа адправіць на 22 гады ў калонію ўзмоцненага рэжыму, а Валянціна Бушніна — пасадзіць на 18 гадоў. Такі вырак суд і вынес. Цяпер на аднаго смяротніка ў краіне стала больш.
«Віця напісаў ліст, у якім паведаміў, што запрасіў пракурор. Прасіў прабачэння ў мяне і віншаваў з 8 сакавіка, — расказала «Нашай Ніве» Надзея, родная сястра Віктара Скрундзіка і сужыцелька Віталя Мяцежа.
— Я б іх траіх расстраляла, каб крыўдна не было нікому. Мужа не шкада — не я ж яго туды адпраўляла.
На апошнім пасяджэнні я не была, увогуле ў судзе была толькі адзін раз, калі мяне выклікалі сведкай. А пасля не ездзіла: мне дзяцей трэба глядзець, дый дорага на суд і назад дабірацца, а грошай няма».
Чытайце:
«Віця сказаў, што на ім восем трупаў». Траім жыхарам Случчыны пагражае расстрэл
«Пасля гэтых забойстваў усіх старых, хто адзін жыў, дзеці пазабіралі. Страшна»
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку22
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары