Здарэнні44

«Пасля гэтых забойстваў усіх старых, хто адзін жыў, дзеці пазабіралі. Страшна»

Смерць 79-гадовага Міхаіла Шугалея ў вёсцы Сухоўчыцы Капыльскага раёна праваахоўнікі спачатку палічылі няшчасным выпадкам. Вырашылі, што дзед згарэў праз няспраўную печ. Шугалея пахавалі, але неўзабаве цела давялося эксгуміраваць — адбыўся напад на яго аднавяскоўку. У яе патрабавалі грошы і пагражалі: «Не аддасі — будзе табе тое, што і Шугалею». Што пра гэтую сітуацыю думаюць дзеці забітага вяскоўца?

Дом забітага Шугалея. Фота Дзмітрыя Брушко, Tut.by

У Слуцку працягваецца суд над трыма вяскоўцамі: іх вінавацяць у забойствах і рабаўніцтве пенсіянераў. Яны забівалі старых, пасля падпальвалі іх дамы.

Чытайце: «Віця сказаў, што на ім восем трупаў». Траім жыхарам Случчыны пагражае расстрэл

У вёсцы Ульянаўка Слуцкага раёна ахвярай стаў 94-гадовы Уладзімір Гаркавы. У суседніх Сухоўчыцах забілі 79-гадовага Міхаіла Шугалея.

Падазраваныя Віктар Скрундзік і Валянцін Бушнін падчас суда. Фота Сяргея Балая, Tut.by

Праўда выплыла толькі пасля чарговага нападу. Новай ахвярай Віктара Скрундзіка стала Сафія Мацэле з тых жа Сухоўчыц. Мужчына патрабаваў грошы, збіваў і душыў ахвяру, прыгаворваючы: «Будзе табе тое, што і Шугалею». Але жанчына выратавалася — выклікала міліцыю, распавяла падрабязнасці. І толькі пасля яе аповеда смерцю Шугалея заняліся зноў, нават цела эксгуміравалі.

«Сябры прыйшлі да знаёмага пенсіянера Міхаіла Шугалея пад падставай прадаць збожжа. Скрундзік ударыў мужчыну ў грудзі, а калі той упаў, абгарнуў вакол яго шыі загадзя падрыхтаваную вяроўку. Патрабавалі грошы. Калі пенсіянер перастаў супраціўляцца, у яго доме зладзілі падпал, мужчына, па даных экспертызы, быў яшчэ жывы. Таварышы вынеслі з сабой 50 рублёў», — паведамляў Tut.by падрабязнасці забойства.

«Так, сапраўды, спачатку разглядалася версія з грубкай. Але ж патрэбны быў час, каб разабрацца. Пазней злавілі гэтых забойцаў, — кажа «Нашай Ніве» Леанід Чарніковіч, старшыня Блеўчыцкага сельсавета, да якога належаць Сухоўчыцы. —

На пахаванне Шугалея я не ездзіў: такое не прынята. Калі памёр ветэран ці нейкі асаблівы чалавек, заслужаны работнік ці нешта такое — тады іншая справа. А гэта ж было звычайнае шараговае пахаванне».

Некаторыя падрабязнасці распавёў адзін з сыноў Міхаіла Шугалея. Агулам у пенсіянера было трое сыноў, усе яны жывуць адносна недалёка — у Салігорску, Капылі і Быстрыцы.

Міхаіл Шугалей-малодшы ўзгадаў наступнае:

«Следчыя шукалі забойцаў, напэўна, я не ведаю. Хто там нам праўду скажа… Экспертыза паказала, што бацька загінуў праз апёкі і дым у лёгкіх. 

Пажарныя сказалі — загарэлася ад трубы. Але печка была закрытая, а дзверы зачыненыя. Дурню зразумела, што забойства. Да таго ж мы нядаўна перакладвалі грубку — зрабілі нармальна, былі ўпэўненыя, што ўсё якасна.

І ў дзень смерці бацькі да яго заязджаў мой брат. У хаце цёпла было, ён сказаў бацьку, каб той грубку не распальваў.

Але пасля забойства бацькі мы ў шоку былі. Таму не спрачаліся. Мы сказалі міліцыі, што бацьку дакладна забілі… Але што нам адказалі — я ўжо не памятаю.

Мы таксама шукалі забойцаў. Але суседзяў там няма, адна пажылая жанчына. Вёска ж вымірае…

І пазней, калі злавілі таго забойцу, стала вядома, што гэта ён.

Вы паглядзіце, што сёння ўвогуле адбываецца. Людзі есці хочуць, а працаваць ніхто не хоча. Едзеш на працу — а пад крамай натоўп стаіць. Вось і атрымліваецца…»

У судзе сваю віну абвінавачаныя не прызналі.

«У нас прабачэння не прасілі ні яны, ні іх сваякі», — расказвае «Нашай Ніве» Ганна, дачка Сафіі Мацэле. Яна разам з маці жыве ў Сухоўчыцах. Жанчына кажа, што гісторыя з забойствамі паўплывала на вясковае жыццё.

«Пасля гэтых забойстваў усіх старых, хто адзін жыў, дзеці пазабіралі. Напалохаліся. Цяпер у вёсцы толькі шэсць жылых дамоў засталося», — кажа яна.

Каментары4

Цяпер чытаюць

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Усе навіны →
Усе навіны

«Прадалі 1647 купюр за 3 дні». Ажыятаж вакол памятнай банкноты Нацбанка не сціхае3

Стала вядома яшчэ пра аднаго беларуса, які ваяваў на баку Расіі і трапіў у палон1

У паўднёвай Еўропе прайшлі мітынгі супраць турыстаў

Суседзі зрабілі кухню ў лоджыі, і цяпер у суседзяў чуваць звон посуду

«Абзвоньваем дзяцей, унукаў». Чыноўнікі з рулеткамі пайшлі правяраць вышыню травы на ўчастках беларусаў20

Маладзечанцы цягам трох дзён назіралі за маладой качкай, якая звалілася ў калодзеж фантана ў парку1

У Беларусі заўважылі фламінга?

Стала вядома, хто з’яўляецца хэдлайнерам Сходу неабыякавых — мерапрыемства апанентаў Ціханоўскай22

Намесніка начальніка белчыгункі Дулуба будуць судзіць па двух артыкулах. Яго затрымалі за хабар, а дома знайшлі яшчэ $3 млн

больш чытаных навін
больш лайканых навін

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Святлана Алексіевіч расказала, якую кнігу выпусціць наступнай. Яна не пра каханне, як планавалася раней

Галоўнае
Усе навіны →

Заўвага:

 

 

 

 

Закрыць Паведаміць