Расія: Польшча і палякі існуюць сёння дзякуючы нашай перамозе ў вайне
Польшча мае неаплачаны доўг перад Расіяй і іншымі краінамі былога СССР, таму што сёння яна існуе дзякуючы перамозе СССР у Другой сусветнай вайне. Пра гэта заявіў расійскі пасол у Польшчы Сяргей Андрэеў, які ўдзельнічаў у 75-й гадавіне вызвалення Асвенціма, піша onet.pl.
— Польшча існуе сёння дзякуючы перамозе Савецкага Саюза ў Другой сусветнай вайне. Калі б не гэтая перамога, не было б ні Польшчы, ні палякаў. Мы ведаем, які лёс правадыры Трэцяга рэйха падрыхтавалі гэтай краіне і яе народу, — сказаў Андрэеў.
Ён дадаў, што «па гэтай прычыне, калі казаць пра даўгі, Польшча мае непагашаны доўг перад Расіяй і іншымі краінамі былога Савецкага Саюза».
Нагадаем, 25 студзеня лідар кіруючай у Польшчы партыі «Права і справядлівасць» Яраслаў Качыньскі заявіў, што Варшава хацела б атрымаць грашовую кампенсацыю за шкоду ў гады Другой сусветнай вайны не толькі ад Нямеччыны, але і ад Расеі. Ён падкрэсліў, што патрабаванні яго краіны ў гэтым пытанні «не маюць тэрміну даўніны», дадаўшы, што не верыць у тое, што дажыве да гэтага моманту.
Каментары