Аварыя здарылася ўвечары 27 снежня ў Баранавічах на скрыжаванні вуліц Славянскай і Навамышскай, піша Intex-Press.
Кіроўца «Опеля» не справілася з кіраваннем і заехала ў двор прыватнага дома. Пры гэтым праламала жалезабетонны плот і зламала вальер, у якім знаходзіўся алабай. Гаспадароў дома не было.
Пасля аварыі жанчына сышла са двара. Праз дзве гадзіны яе знайшлі супрацоўнікі міліцыі і даставілі на месца ДТЗ.
Жанчына была ў стане алкагольнага ап'янення: ад яе пахла алкаголем, а таксама яна хісталася, калі ішла.
Пасля аварыі ў алабая пашкоджаны заднія лапы. Людзі ў аварыі не пацярпелі.
Фота: Аляксандр Кораб.
Каментары