Міністр замежных спраў Украіны Уладзімір Прыстайка распавёў аб планах прэзідэнта Уладзіміра Зяленскага па мірным урэгуляванні на Данбасе. Сваю заяву ён зрабіў у інтэрв'ю выданню Die Welt.
«Прэзідэнт Украіны Уладзімір Зяленскі хоча дасягнуць сапраўднага прагрэсу на працягу наступных шасці месяцаў», — заявіў ён.
Пры гэтым кіраўнік МЗС падкрэсліў, што ўрэгуляванне не можа адбыцца за кошт здачы ўкраінскіх тэрыторый. «Мы не здаем ўкраінскія тэрыторыі і паведамілі расіянам пра нашыя чырвоныя лініі. Таму мы не дазволім, каб Расія зафіксавала сваё панаванне на частках украінскай тэрыторыі, як, напрыклад, гэта адбылося ў Малдове з Прыднястроўем», — падкрэсліў ён.
Прыстайка адзначыў, што асноўная мэта Украіны — гэта вярнуць сваіх грамадзян, і для яе дасягнення краіна гатовая звярнуцца да недыпламатычных сродкаў, аб якіх «пакуль рана гаварыць»
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5858
Каментары