Запрашаем вас прыняць удзел ва ўшанаванні памяці аднаго з заснавальнікаў Беларускай cацыялістычнай грамады, прэм'ер-міністра Беларускай Народнай Рэспублікі, аўтара ІІІ Устаўной граматы БНР, якая абвяшчала Беларусь незалежнай дзяржавай Антона Луцкевіча.
23 сакавіка чарговая гадавіна з моманту смерці чалавека, якога называюць бацькам беларускай дзяржаўнасці.
У мінулым годдзе, да 100-годдзя абвяшчэння Беларускай Народнай Рэспублікі, у скверы імя Янкі Купалы ў Мінску быў ўсталяваны памятны знак у гонар братоў Антона і Івана Луцкевічаў на месцы дамоў, якія належылі іх сям'і і ў якіх яны жылі пэўны час.
Ушануйма яго памяць разам!
Збор 23 сакавіка а 10.30 каля памятнага знака. У 11.00 гісторык Анатоль Сідарэвіч зробіць кароткі экскурс у гісторыю і нагадае пра асобу, якая стала легендай.
Пасля адбудзецца ўскладанне кветак.
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары