З 1 студзеня ў сталіцы касавая расейская камедыя «Любоў-морква-2».
Любоў-морква 2 (Любовь-морковь 2)
Расея, 2009, каляровы, 98 хвілін
Рэжысёр: Максім Пежэмскі
Ролі выконваюць: Крыстына Арбакайтэ, Гоша Куцэнка, Лідзія Вележава, Кірыл Плятнёў, Вольга Арлова, Дзяніс Парамонаў
Жанр: Камедыя
Адзнака: 6 (з 10)
З Новага году на менскія экраны выйшла другая частка кінакамедыі «Любоў-морква».Драматург і сцэнарыст Андрэй Курэйчык на прэм'еры для журналістаў сказаў, што ў гэтай стужцы ён адшурхоўваўся ад падзей асабістага жыцця – у яго нарадзіўся сын.
Дзеці , хлопчык і дзяўчынка, нарадзіліся і ў кінафільме ў сям'і Голубевых. На сваё дзесяцігоддзе блізняты мараць атрымаць сабачак, але ім дораць робатаў. Бацькі не чуюць і не разумеюць сваіх дзяцей – і на дапамогу прыходзіць чараўнік-доктар. Ён мяняе дарослых і дзяцей целамі. Цяпер юрыст Андрэй і мастацтвазнаўца Марына мусяць спасцігаць цяжкасці школьнага жыцця. А дзеткі (у дарослых целах) – раскрыць махлярствы з дыяментам і выратаваць сям’ю і дом.
Другая серыя «Любові» пастаўленая рэжысёрам Максімам Пежэмскім, які вядомы арыгінальнай аўтарскай стужкай «Мама, не сумуй!» Змена рэжысёра пайшла на карысць карціне. Фільм стаўся болей чалавечным (хаця без навязлівых гламурна-рэкламных кадраў не абышлося).
Увогуле,
другая частка пераўзыходзіць першую. Яна і смяшнейшая, і энэргічнейшая.Дарослыя дзеткі безнадзейна інфантыльныя: Гоша Куцэнка грае ў самалёцікі, Крысціна Арбакайтэ бухаецца на каленкі Дзеду Марозу. Фальшывая няня (пераапрануты бандыт) ладзіць скандалы, дзіця ўганяе машыну (бедныя пешаходы!). Усе – асабліва гледачы – шчасьлівы. І нават галоўным нягоднікам дастаецца міска смачнага сабачага корму.
Курэйчык сказаў, што фільм не для фестываляў і крытыкаў. Наконт фестываляў – праўда. Фільм – для касы (за 4 дні ўжо сябе акупіў). Але таксама і для тых – хто жадае лёгка і весела адпачыць.
Цяпер чытаюць
Памёр паэт Уладзімір Карызна, аўтар слоў да цяперашняга дзяржаўнага гімна Беларусі4
Каментары