Рэп-зорка Ціма Беларускіх трымае першае і другое месца ў галоўным расійскім хіт-парадзе
Калі вы яшчэ не чулі пра Ціму Беларускіх, то вы крыху адсталі ад жыцця. Пасля таго, як ён выклаў на ютуб сваю песню «Мокрыя кросы», кар'ера маладога рэпера імкліва пайшла ў гару: відэа сабрала больш за 7 мільёнаў праглядаў, а сам трэк упэўнена займае першы радок чарта Яндэкс.Музыка. Новы хіт — «Незабудка» — ужо праз некалькі дзён пасля прэм'еры забраўся на другое месца рэйтынгу.
Ціма Беларускіх, фота з уласнага архіву музыкі.
На першы сольнік Цімы ў гэтым месяцы раскупілі 1200 квіткоў, і ён ужо рыхтуе новы канцэрт, які пройдзе ў Мінску ў пачатку лістапада.
Чакаюць рэпера, якога некаторыя крытыкі параўноўваюць з Максам Каржом, ва ўсіх буйных беларускіх гарадах, а таксама ў Рызе, Маскве і Адэсе. Гастрольны графік Беларускіх распісаны на некалькі месяцаў наперад. Вядома, што цяпер ён працуе над запісам альбома.
У чарце Яндэкс.Музыкі Беларускіх абышоў Imagine Dragons і Філіпа Кіркорава.
Беларускі рэп-лэйбл Kaufman Label і ўся менеджарская каманда заўзята ахоўвае свайго падапечнага ад інтэрв'ю: усе ранейшыя спробы дамовіцца з ім на гутарку пакуль заканчваліся безвынікова.
У відэаінтэрв'ю свайму ж лэйблу Цімафей расказваў, што музыкай пачаў займацца з таго моманту, як бацькі аддалі яго ў школу віяланчэлі, пасля вучыўся ў музычным каледжы. Са сваімі трэкамі спрабаваў прабіцца на вялікую сцэну яшчэ ў 2011 годзе, але, як відаць, яго творчасць стрэліла ў сэрца слухачоў (асабліва школьнікаў) толькі цяпер.
Радыеактыўны імплант у мозгу страхуе ад вяртання ракавай пухліны. Людзі выжываюць часцей
Па вяртанні з Польшчы арыштавалі былога супрацоўніка КДБ. Яго абвінавачваюць у «здрадзе дзяржаве»18
У Германіі забралі дапамогу ў беларускі, якая сышлася з гаспадаром здымнай кватэры. Данос напісаў яе зніклы без вестак муж6
Наступствы начной атакі РФ у Падольскім раёне Кіева ФОТЫ5
ЗША вядуць перамовы аб пашырэнні размяшчэння ядзернай зброі ў Еўропе2
У Беларусі вызначылі тры пляцоўкі для могільніка радыёактыўных адкідаў1
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч19
Каментары