Такога даўно не было: гэтай восенню канікулы будуць максімальна доўгімі — 11 ці 12 дзён
Мінадукацыі вызначыла тэрміны школьных канікул у 2018-2019 навучальным годзе. Адпаведная інфармацыя размешчана на сайце ведамства, паведамляе БелТА.
Першая чвэрць будзе доўжыцца з 1 верасня (субота) па 27 кастрычніка (субота), другая — з 8 лістапада па 22 снежня. Трэцяя чвэрць з 8 студзеня па 23 сакавіка.
Адпаведна восеньскія вакацыі пройдуць з 28 кастрычніка па 7 лістапада — г.зн. працягнуцца 11 дзён.
Але магчыма, што субота, 27 кастрычніка, будзе выходным і ў школьнікаў, бо пераносу працоўных дзён — з прычыны 7 лістапада, што выпадае сёлета на сераду, — не плануецца. Тады восеньскія канікулы складуць наогул 12 дзён. Такога не было даўно.
Зімовыя вакацыі афіцыйна стартуюць 24 снежня (панядзелак) і скончацца 7 студзеня (панядзелак).
На Каляды, між іншым, ёсць перанос працоўнага дня з 24 снежня на 22 снежня, таму, імаверна, у суботу, 22 снежня школьнікам давядзецца ўсё ж вучыцца.
Вясной школьнікі будуць адпачываць з 24 сакавіка (нядзеля) па 31 сакавіка (нядзеля). І гэта будуць самыя кароткія канікулы ў наступным навучальным годзе.
Каментары