Падрыхтаваныя Беларуссю дакументы, якія рэгулююць газавыя пытанні з Расіяй, пакуль не задаволілі Маскву, заявіў у інтэрв'ю ТАСС віцэ-прэм'ер урада Расіі Аркадзь Дварковіч.
Гаворка ішла аб узгадненні формулы цаны на газ для Беларусі і стварэнні адзінага рынку газу з 2025 года. Расія прапанавала Беларусі вярнуцца да пытанняў цаны на газ і адзінага рынку газу ў 2019 годзе.
«Беларускія калегі прадставілі праекты дакументаў, нас яны не задавальняюць. Мы ў прынцыпе лічым, што вялікай спешкі няма і можна канчатковае вырашэнне пытання адкласці на пачатак наступнага года, паколькі да 2019 года ўключна ў нас дзейнічаюць пэўныя дамоўленасці па цане. Спяшацца не трэба. Але я разумею беларускіх калегаў, якія хочуць хутчэй зафіксаваць сітуацыю, таму кансультацыі працягваюцца», — заявіў Дварковіч.
Па апошнім пытанні Дварковіч таксама прапануе не спяшацца. «У нас яшчэ няма поўнай вызначанасці адносна нашых уласных планаў па нашаму рынку. Ёсць розныя прапановы, у «Газпрома» і Мінэнерга, шмат нюансаў. Мы яшчэ не вызначыліся, а гэта непасрэдна ўплывае на нашу пазіцыю па адзіным рынку або агульнаму рынку, па-рознаму яго можна называць. Паколькі наш рынак самы вялікі, то, вядома, ён вызначае стан рынку ўсяго рэгіёна».
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА19
Каментары