Кіраўнік Нацыянальнай паліцыі Украіны Сяргей Князеў заяўляе, што следства пакуль не выйшла на асобаў, якія падазраюцца ў забойстве беларускага журналіста Паўла Шарамета, паведамляе Радыё Свабода.
«Асобы, які ўчынілі гэтае забойства Паўла Шарамета, на жаль, не ўстаноўленыя пакуль што», — сказаў Сяргей Князеў сёння ў Кіеве падчас выніковай прэс-канферэнцыі.
Кіраўнік Нацыянальнай паліцыі мяркуе, што рашэнне ўтаямнічыць судовыя рашэнні ў справе пра забойства Паўла Шарамета было апраўданым, бо гэта пазбаўляе верагодных падазраваных асобаў магчымасці адсочваць крокі следства ў расследаванні.
У той жа час Сяргей Князеў адзначыў, што ў снежні на тэрыторыі шасці рэгіёнаў Украіны былі затрыманыя пяць актыўных удзельнікаў арганізаванай злачыннай групоўкі, якая забівала людзей ды падрывала аўтамабілі. «Арганізатар гэтай групоўкі затрыманы на тэрыторыі суседняй дзяржавы. Нам дапамагалі супрацоўнікі паліцыі Малдовы, Румыніі, Ізраіля, зараз маем кантакты з праваахоўнымі органамі Італіі», — дадаў ён.
Распавядаючы пра эпізоды гэтай справы, кіраўнік Нацпаліцыі Украіны дадаў: удзельнікі групоўкі «1 мая на тэрыторыі адной з навучальных устаноў у Кіеве ажыццявілі выбух, заклаўшы міну, дарэчы, менавіта такую, як была закладзеная пад аўтамабіль журналіста Паўла Шарамета». Аб’ектам замаху быў адзін з кіеўскіх прадпрымальнікаў, але той уратаваўся, не патрапіўшы ў эпіцэнтр выбуху. У той ж час Сяргей Князеў не назваў прамой сувязі гэтай справы з забойствам Паўла Шарамета.
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі24
Каментары