Kiraŭnik Nacyjanalnaj palicyi Ukrainy Siarhiej Kniazieŭ zajaŭlaje, što śledstva pakul nie vyjšła na asobaŭ, jakija padazrajucca ŭ zabojstvie biełaruskaha žurnalista Paŭła Šaramieta, paviedamlaje Radyjo Svaboda.
«Asoby, jaki ŭčynili hetaje zabojstva Paŭła Šaramieta, na žal, nie ŭstanoŭlenyja pakul što», — skazaŭ Siarhiej Kniazieŭ siońnia ŭ Kijevie padčas vynikovaj pres-kanfierencyi.
Kiraŭnik Nacyjanalnaj palicyi miarkuje, što rašeńnie ŭtajamničyć sudovyja rašeńni ŭ spravie pra zabojstva Paŭła Šaramieta było apraŭdanym, bo heta pazbaŭlaje vierahodnych padazravanych asobaŭ mahčymaści adsočvać kroki śledstva ŭ rasśledavańni.
U toj ža čas Siarhiej Kniazieŭ adznačyŭ, što ŭ śniežni na terytoryi šaści rehijonaŭ Ukrainy byli zatrymanyja piać aktyŭnych udzielnikaŭ arhanizavanaj złačynnaj hrupoŭki, jakaja zabivała ludziej dy padryvała aŭtamabili. «Arhanizatar hetaj hrupoŭki zatrymany na terytoryi susiedniaj dziaržavy. Nam dapamahali supracoŭniki palicyi Małdovy, Rumynii, Izraila, zaraz majem kantakty z pravaachoŭnymi orhanami Italii», — dadaŭ jon.
Raspaviadajučy pra epizody hetaj spravy, kiraŭnik Nacpalicyi Ukrainy dadaŭ: udzielniki hrupoŭki «1 maja na terytoryi adnoj z navučalnych ustanoŭ u Kijevie ažyćciavili vybuch, zakłaŭšy minu, darečy, mienavita takuju, jak była zakładzienaja pad aŭtamabil žurnalista Paŭła Šaramieta». Abjektam zamachu byŭ adzin z kijeŭskich pradprymalnikaŭ, ale toj uratavaŭsia, nie patrapiŭšy ŭ epicentr vybuchu. U toj ž čas Siarhiej Kniazieŭ nie nazvaŭ pramoj suviazi hetaj spravy z zabojstvam Paŭła Šaramieta.
Ciapier čytajuć
Ad rekietu da prodažu fota mahił. Jak vyhladaje znutry hrupoŭka Project X, jakaja viarbuje ludziej dla pieravozki mihrantaŭ ź Biełarusi ŭ ES4
Kamientary