Гэтая выстава даказвае, што вопратка і сэксуальны гвалт ніяк не звязаныя ФОТЫ
Інсталяцыя «Што вы носіце?» — гэта 18 камплектаў адзення, у якіх былі ахвяры, калі іх згвалцілі. Сэксуальная сукенка ці кароткі топ — не чырвоная ануча для гвалтаўніка, бо ў яго поле зроку трапляюць і людзі, апранутыя зусім звычайна.
Зірніце самі, падобныя рэчы знойдуцца ў кожнага ў шафе. І ў гэтым галоўны мэсэдж праекта, які цяпер выстаўляецца ва ўніверсітэце штата Канзас.
Інсталяцыю стварылі ў 2013 годзе Джэн Брокман, дырэктар цэнтра прадухілення сэксуальнага гвалту і адукацыі, і доктар Мэры А. В’яндт-Хіберт, якая курыруе ініцыятывы арканзаскага цэнтра, што займаецца адукацыяй у пытаннях гвалту.
З таго часу праект паспеў павандраваць па розных універсітэтах. Гісторыі, якія расказвае гэтая вопратка, перажылі студэнты каледжаў і ўніверсітэтаў. Яны апісвалі тое, што з імі адбылося, на форумах, у інтэрв’ю, у сацыяльных сетках.
Аўтары праекта сабралі 40 расповедаў і аднавілі з дапамогай студэнтаў тыя камплекты адзення, у якіх былі ахвяры падчас згвалтавання.
Фота Джэніфер Спрагі, huffingtonpost.com.
Чытайце таксама:
«Муж любіў папужаць жонку тым, што вывозіў на балота і пачынаў тапіць» — псіхолаг пра сямейны гвалт
-
Швейцарыя выступіла супраць абмежавання колькасці насельніцтва
-
Эпатажны спявак Oliver Tree і яшчэ пяць чалавек загінулі ў Бразіліі пасля сутыкнення верталётаў
-
Пуцін павіншаваў Трампа з 80‑годдзем і заявіў, што чакае Зяленскага ў Маскве. Крэмль сцвярджае, што прэзідэнт ЗША паабяцаў уздзейнічаць на Кіеў
Каментары