Прадстаўнік Рускага саюза Латвіі Міраслаў Мітрафанаў заявіў, што яго арганізацыя «будзе вымушаная адказаць на любыя пагрозы ў адрас рускіх школ». Як лічыць актывіст, ідэя Нацыянальнага аб'яднання аб пераводзе навучання выключна на латышскую мову з'яўляецца перадвыбарным ходам і спробай схаваць «адсутнасць якіх-небудзь станоўчых вынікаў дзейнасці», паведамляе Delfi.
Мітрафанаў адзначыў, што руская суполка Латвіі адкажа масавымі пратэстамі на спробы выкараніць білінгвальнае навучанне. Шмат у чым, паводле яго слоў, развіццё сітуацыі будзе залежаць ад дзеянняў урада з Марысам Кучынскісам на чале. «Яны або падыграюць нацыяналістам і зробяць яшчэ адзін недружалюбны крок у адносінах да рускіх школ, або ім хопіць розуму не дапусціць эскалацыі сітуацыі, выкінуць гэты праект у сметніцу», — сказаў Мітрафанаў.
«Вядома, латышскую мову трэба ведаць і вучыць, але правы нацменшасцяў на атрыманне адукацыі на сваёй роднай мове ва ўсім свеце лічацца адным з прынцыпаў дэмакратыі», — дадаў член праўлення Рускага саюза Якаў Плінер.
-
Трамп хоча пазбавіць права голасу ў НАТА тыя краіны, якія трацяць на абарону менш за 5% ВУП
-
Зяленскі: Пакуль перанакіравання зброі з Украіны на Блізкі Усход няма, а там пабачым
-
Рысь, якая гуляе, мядзведзь і фламінга на фоне правадоў. За каго галасавалі гледачы на конкурсе «Фатограф дзікай прыроды года»
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары