Кандытары заявілі, што стварылі чацвёрты від шакаладу нароўні з чорным, белым і малочным. Першым за 80 гадоў новым відам шакаладу можа стаць рубінавы, піша The Independent.
Швейцарскі шакаладны гігант Бары Кальбо сцвярджае, што выкарыстаў рубінавыя какава-бабы. Навукоўцы даследавалі іх на працягу некалькіх гадоў. Водар і афарбоўка гэтага шакаладу натуральныя і атрымліваюцца без дадання ягад.
Новы від шакаладу, названы Ruby з-за характэрнага чырвонага адцення, можа стаць першым, якія з'явіўся пасля створанага ў 1930-х гадах белага. Стваральнікі кажуць, што ён прыўнясе «зусім новы досвед смаку, не горкі, не малочны і і не салодкі».
«Рубінавы шакалад асвяжае і мае лёгкую сметанковую тэкстуру. Смак такі лёгкі і фруктовы, вы на самай справе не разумееце, што ясце шакалад», — кажа эксперт па шакаладзе і рэдактар «галіновай бібліі» Kennedy’s Confection Ангус Кенэдзі.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты50
Каментары