Kandytary zajavili, što stvaryli čaćviorty vid šakaładu naroŭni z čornym, biełym i małočnym. Pieršym za 80 hadoŭ novym vidam šakaładu moža stać rubinavy, piša The Independent.
Šviejcarski šakaładny hihant Bary Kalbo śćviardžaje, što vykarystaŭ rubinavyja kakava-baby. Navukoŭcy daśledavali ich na praciahu niekalkich hadoŭ. Vodar i afarboŭka hetaha šakaładu naturalnyja i atrymlivajucca biez dadańnia jahad.
Novy vid šakaładu, nazvany Ruby z-za charakternaha čyrvonaha adcieńnia, moža stać pieršym, jakija źjaviŭsia paśla stvoranaha ŭ 1930-ch hadach biełaha. Stvaralniki kažuć, što jon pryŭniasie «zusim novy dośvied smaku, nie horki, nie małočny i i nie sałodki».
«Rubinavy šakaład aśviažaje i maje lohkuju śmietankovuju teksturu. Smak taki lohki i fruktovy, vy na samaj spravie nie razumiejecie, što jaście šakaład», — kaža ekśpiert pa šakaładzie i redaktar «halinovaj biblii» Kennedy's Confection Anhus Kienedzi.
Ciapier čytajuć
U Minsku kidajuć budavać treciuju liniju mietro ŭ Zialony Łuh. Usie siły pojduć na čaćviortuju, kalcavuju12
Kamientary