Усяго патроху3737

«Я цяпер тыдзень не буду мыцца!» У Мінску прайшоў фэст папулярных блогераў ФОТЫ

Стас Давыдаў, Віка Картэр, Дзіма Ермузевіч, Прыемны Ільдар, IdiotikShow, Андрэй Мартыненка — гэта толькі частка паспяховых ютуб-праектаў і персон, якія ўпершыню для Беларусі сабраліся ў адным месцы на міжнародным фестывалі «Відак». Каб пафоткацца з фанатамі ды падзяліцца сакрэтамі паспяховасці сваіх каналаў.

Дзіма Ермузевіч.
Улад Бумага з прыхільніцай.

Улічваючы, што не так даўно толькі Улад Бумага сабраў у Мінску каля трох тысяч прыхільнікаў, чакалася, што на фестывалі з парай дзясяткаў куміраў моладзі будзе зусім пекла. Але паколькі ўваход быў платны, ажыятаж спаў: не кожны бацька дасць дзіцяці 35 рублёў на квіток, а яшчэ на тое, каб паесці на месцы ці набыць фірмовую кепку ад блогера з Украіны Мартыненкі. Фестываль цягнуўся ад абеду і да позняга вечара, таму, так ці інакш, на нешта з гэтага маладое гарачае сэрца дакладна спакусілася б.

Зусім малыя дзеці цягнулі з сабой бацькоў. Адзін тата, сын якога з захапленнем здымаў на шосты айфон выступ Улада Бумагі, расказаў нам, што хлопец загадзя папрасіў яго набыць квіткі. Бацька ведае, што сын неабыякавы да творчасці Бумагі, але сам яго відэа не глядзеў, таму на фестывалі сумаваў.

Андрэй Мартыненка (Украіна) і фанаты.

Больш за ўсё дзеці чакалі, вядома, не салодкую вату і не папкорн. Зрабіць сэлфі з кумірам, дакрануцца да яго, узяць аўтограф ці перадаць падарунак — дзеля гэтага некаторыя гатовыя былі самааддана стаяць у чарзе гадзінамі. І калі гэты чароўны момант надыходзіў, маладзёны давалі сабе волю: прасілі распісацца на руках, твары, прызнаваліся ў пачуццях і не давалі ступіць кроку сваім кумірам.

Для аўтографаў цела не шкада.
Стас Давыдаў, This is Хорошо (справа).

«Я цяпер тыдзень не буду мыцца!», — крычаў хлопчык пасля абдымкаў са Стасам Давыдавым з шоу «This is Хорошо». Дзеля сэлфі ён прыйшоў на мерапрыемства на мыліцах. Карацей, моладзь было не спыніць. Нават ахова, якая кожныя пяць хвілін супакойвала натоўп ды нагадвала, хто тут галоўны, перад народнай любоўю была бяссільна.

Прадстаўнік LizzzTv (Расія) раздае аўтографы.
КаМаДа, Брэст.
На сцэне — блогеры Наталля Кісель, Цілльняшка, Дзіма Масленікаў.
Дзіма Ермузевіч, Юля Гадунова і Улад Бумага расказваюць, што блогерства дапамагае быць сытымі.
Непадалёк ад уваходу.

Акрамя забаўляльнай часткі, на фестывалі працавала адукацыйная зона, дзе папулярныя блогеры дзяліліся досведам і расказвалі, як пачаць будаваць бізнэс на ўласным ютуб-канале. Рыхтуйцеся, бацькі, магчыма, новы блогер хутка з'явіцца менавіта ў вашай сям'і! Тым больш, арганізатары «Відака» спадзяюцца праводзіць фестываль і надалей і даганяць краіны-суседкі, дзе ютуб-падзеі ладзяцца ўжо не першы год.

Каментары37

Цяпер чытаюць

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Усе навіны →
Усе навіны

Былую кандыдатку ад партыі Гайдукевіча пасадзілі за ўдзел у пратэстах1

У Віцебску работнікам памылкова налічылі лішнія грошы, а пасля прымусілі іх вяртаць. Ці законна гэта?

Так выглядаў Аляксандр Лукашэнка на Валааме ФОТЫ24

У Гомельскай вобласці ствараецца новая дэсантная брыгада3

Лукашэнка расказаў, як ён перажываў за Трампа8

Лукашэнка заявіў, што ў беспілотніку, які ўпаў у Мінску, было 59 кг выбухоўкі10

Лукашэнка вучыў Зяленскага: «Я хачу сустрэцца з Пуціным» — ну што ты крычыш пра гэта?»14

«Спала і прачнулася на абломках унізе». Гісторыя дзяўчыны, якая падчас атакі Расіі на Кіеў выпала з 9-га паверха і выжыла

Белы дом пераўтвараецца ў казачны палац: Трамп будуе бальную залу за 200 мільёнаў даляраў7

больш чытаных навін
больш лайканых навін

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў1

«Хаваеш свой жах, бо гэта шкілет са скурай». Святлана Ціханоўская прызналася, ці пазнала Сяргея праз пяць гадоў

Галоўнае
Усе навіны →

Заўвага:

 

 

 

 

Закрыць Паведаміць