Талула-якая-танчыць-гавайскі-танец-«хула» змагла памяняць сваё абрыдлае за 9 гадоў імя толькі праз суд. У дзетак зь імёнамі кшталту Прыпынак-аўтобуса-№16 ды Гвалт зьявіўся шанец назвацца па-людзку, не чакаючы паўналецьця.
Дзевяцігадовя дзяўчына Talula Does The Hula From Hawaii змагла памяняць ненавіснае ёй імя толькі пад апекай суду.
Паводле слоў судзьдзі Робэрта Мэрфіта, імя, дадзенае дзяўчыне пры нараджэньні бацькамі, бянтэжыць яе ды выклікае насьмешкі.
У даслоўным перакладзе імя дзіця Talula Does The Hula From Hawaii азначае «Талула танчыць гавайскі нацыянальны танец «хула».
Праблема ўсплыла падчас слуханьняў справы пра апеку ў судзе новазэляндзкага гораду Нью-Плімут. Тады нечакана высьветлілася, што дзіцё адмаўляецца называць сваё поўнае імя, а прадстаўляецца ініцыялам «К».
«Суд быў глыбока занепакоены дужа недальнабачнымі матывамі, якімі кіраваліся бацькі дзяўчынкі пры выбары ёй імя, — напісаў судзьдзя Мэрфіт. — Гэтае імя выстаўляе дзіцё ў дурацкім сьвятле й стварае глебу для сацыяльнай непаўнацэннасьці».
Дзякуючы прынятаму рашэньню пра перадачу дзяўчынкі пад судовую апеку, Талуле ўдалося зьмяніць ненавіснае імя бяз згоды бацькоў. Новае імя не разгалошваецца паводле этычных меркаваньняў.
Мода сярод бацькоў на тое, каб даваць сваім нашчадкам вычварныя й ненатуральныя імёны, вартая ганьбы ды сарамачаньня, лічыць судзьдзя Мэрфіт.
Ён прывёў некалькі прыкладаў супярэчлівай палітыкі ўладаў што да імён немаўлятаў.
Паводле слоў Мэрфіта, бацькам, якія хацелі, да прыкладу, назваць дзіцё Sexy Fruit (Сэксуальны плод), Stallion (Жарабё) ці Fat Boy (Тлусты хлопец), было адмоўлена ў рэгістрацыі імя.
Пры гэтым, дзівіцца судзьдзя, такія дзіцячыя імёны як Violence (Гвалт), Number 16 Bus Shelter (Прыпынак аўтобусу №16) і Benson and Hedges (назва маркі брытанскіх цыгарэтаў) не выклікаюць ніякіх нараканьняў з боку ўладаў.
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі27
Каментары