Кансорцыум інвестараў — латвійскі банк і неназваная прыватная беларуская кампанія набывае 100% акцый ПАТ «Сбербанк» (Украіна), якое з'яўляецца даччыным банкам ПАТ Сбербанк. Пра гэта піша Tut.by са спасылкай на прэс-службу банка.
«У Кансорцыум ўвойдуць Норвік Банк (Латвія) і беларуская прыватная кампанія. Адпаведны юрыдычны дагавор падпісаны 27 сакавіка», - гаворыцца ў паведамленні.
Закрыццё здзелкі чакаецца ў першым паўгоддзі 2017 года пасля атрымання адабрэнняў здзелкі фінансавымі і антыманапольнымі рэгулятарамі адпаведных юрысдыкцый, уключаючы Латвію і Украіну.
Нагадаем, прэзідэнт Украіны Пятро Парашэнка 16 сакавіка ўвёў у дзеянне санкцыі ў дачыненні да пяці банкаў з расійскім капіталам тэрмінам на год. Пад санкцыі трапілі Сбербанк, Промінвестбанк, ВТБ, БМ Банк і VS Bank. Гэта адбылося пасля неаднаразовых нападаў на банкі з расійскім капіталам ва Украіне. Толькі за адзін тыдзень ва Украіне было здзейснена 26 нападаў на ўкраінскія аддзяленні Сбербанка.
У паведамленні Norvik Banka сказана, што «мажарытарным акцыянерам новага кансорцыума стаў грамадзянін Вялікабрытаніі Саід Гуцэрыеў і належачая яму беларуская кампанія», удакладняе meduza.io.
Саід Гуцэрыеў - сын Міхаіла Гуцэрыева, уладальніка «Русснефть» і «Бінбанка».
Цікава, што раней паведамлялася, што Гуцэрыевы і Віктар Пракапеня ўклалі грошы ў стартап Banuba, што распрацоўвае мабільныя дадаткі на аснове тэхналогій дапоўненай рэальнасці.
Каментары