У адкрыцьці ўдзельнічаў Аляксандар Лукашэнка. Палац разьлічаны на сем тысяч глядацкіх месцаў.
У Бабруйску адкрылі самы вялікі ў Беларусі лядовы палац – «Бабруйск-Арэну».
У адкрыцьці ўдзельнічаў Аляксандар Лукашэнка. Палац разьлічаны на сем тысяч глядацкіх месцаў.
Палац будавалі аўральным чынам. На будоўлі правалі ў тры зьмены дзьве тысячы будаўнікоў. Жыхары Бабруйска дзеля палацу працавалі на суботніках.
Лядовы палац у Бабруйску пачалі будаваць у чэрвені 2006 году. Меркавалася будоўлю скончыць праз тры гады, у лістападзе 2009 году. Аляксандар Лукашэнка, аднак, запатрабаваў паскорыць будаўніцтва. Старшыня Магілёўскага аблвыканкаму Барыс Батура паабяцаў пабудаваць палац у першым квартале 2008 году.
Плянавалася, што ў 2013 годзе ў Беларусі пройдзе чэмпіянат сьвету па хакею. «Бабруйск-арэна» значылася ў заяўцы як адно зь месцаў правядзеньня першынства. Гэтым і апраўдвалася паскарэньне будаўніцтва. Права правядзеньня хакейнага чэмпіянату ў 2013 годзе, аднак, выйграла Швэцыя.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў20
Каментары