Патрыярх Маскоўскі і ўсяе Русі Кірыл заклікаў абараніць праваслаўе ад «глабальнай ерасі чалавекапаклонства», паведамляе Інтэрфакс.
Па словах патрыярха, універсальным крытэрам ісціны ў наш час стаў чалавек і яго правы. Праз гэта, на думку Кірыла, «пачалося рэвалюцыйнае выгнанне Бога з чалавечага жыцця, з жыцця грамадства».
«Сёння мы гаворым аб глабальнай ерасі чалавекапаклонства, новага ідалапаклонства, якое выганяе Бога з чалавечага жыцця. Нічога падобнага ў глабальным маштабе ніколі не было. Менавіта на пераадоленне гэтай ерасі сучаснасці, наступствы якой могуць мець апакаліптычныя падзеі, Царква павінна накіроўваць сілу сваёй абароны, свайго слова, сваёй думкі», — заявіў патрыярх.
Ён дадаў, што ў шматлікіх краінах прымаюцца намаганні з дапамогай закона «зацвердзіць права любога выбару чалавека, у тым ліку і самога грахоўнага, які ішоў насуперак са словам божым».
Цяпер чытаюць
Што за Дзмітрый Скіндзераў, які абвясціў вайну Ціханоўскай? Супрацоўніцтва з ГУБАЗіКам, даўгі ў Беларусі, даўгі ў Літве29
Каментары