У Мінску няма праблем з паркоўкамі, ёсць недахоп парковачных месцаў ля пад'ездаў. Пра гэта заявіў журналістам старшыня Мінгарвыканкама Андрэй Шорац.
«І гэтую праблему мы не вырашым ніколі. Нельга пабудаваць каля кожнага пад'езда паркоўку. У той час, калі ля дамоў у некалькі шэрагаў прыпаркаваныя машыны, паркінгі пустуюць. Каб сітуацыя змянілася, неабходна мяняць свядомасць грамадзян», — сказаў Андрэй Шорац.
У прыклад ён прывёў сітуацыю на перахопных стаянках. «З 200 месцаў на стаянцы занята максімум 10. Пра што гэта кажа? Гараджане хочуць паркавацца выключна пад вокнамі сваіх офісаў і дамоў», — адзначыў кіраўнік горада.
Сёння прапрацоўваецца пытанне аб увядзенні адказнасці за нявыплату платнай паркоўкі. Колькасць платных месцаў для паркоўкі ў цэнтры сталіцы стане расці. Паралельна будуць закрывацца двары. Аднак, па словах старшыні Мінгарвыканкама, гэта справа не бліжэйшага часу, бо неабходна стварыць адпаведную нарматыўна-прававую базу.
Каментары