Аляксандр Лукашэнка заклікаў Расею і Турцыю аднавіць добрыя адносіны
Аляксандр Лукашэнка заклікае Расею і Турцыю пайсці на кампраміс, «зрабіць хоць бы паўкроку насустрач адзін аднаму» і аднавіць добрыя адносіны. Пра гэта Лукашэнка сказаў, выступаючы ў Ашхабадзе на Міжнароднай канферэнцыі, прысвечанай палітыцы нейтралітэту.
«Памылкі непазбежныя, і іх трэба не нагнятаць, а вырашаць, ісці на саступкі і кампрамісы. Гэта датычыцца і апошняга канфлікту паміж Расіяй і Турцыяй», — цытуюць Лукашэнку інфармацыйныя агенцтвы.
«Не ўсяляк нагнятаць запал, [а] знайсці магчымасць зрабіць хоць бы паўкроку насустрач адзін аднаму — і праблемы вырашацца, адновяцца тыя добрыя, блізкія адносіны, якія былі паміж гэтымі народамі і дзяржавамі і абавязкова будуць», — сказаў ён.
Адносіны Расіі і Турцыі перажываюць крызіс пасля таго, як 24 лістапада турэцкі знішчальнік F-16 збіў на мяжы Турцыі расійскі бамбавік Су-24. Прэзідэнт РФ назваў гэта «ўдарам у спіну» і абвінаваціў Турцыю ў дапамозе тэрарыстам. У Расіі разгарнулася антытурэцкая кампанія.
У Сірыі Расія падтрымлівае Башара Асада, а Турцыя — ісламскую апазіцыю яму. Абедзве краіны пры гэтым наносілі ўдары па тэрарыстычнай «Ісламскай дзяржаве».
Цяпер чытаюць
Як Ксюша з СМА апынулася ў Доме дзіцяці пры жывой маме? Вось што кажа сама маці6
Каментары