Пяты сезон фэнтэзі-сагі «Гульня тронаў» выйграў тэлепрэмію «Эмі» 2015 ў 12 намінацыях з 24, усталяваўшы такім чынам абсалютны рэкорд у гісторыі цырымоніі.
Знятаму па серыі раманаў Джорджа Марціна «Песня лёду і агню» серыялу дасталася галоўная ўзнагарода — «Найлепшы драматычны серыял».
Акрамя таго, «Гульні» дасталіся, сярод іншых, узнагароды за найлепшага акцёра другога плану, найлепшую рэжысуру і найлепшы сцэнар.
Тэлесерыя намінавалася на галоўную ўзнагароду за кожны яе сезон, аднак у папярэднія два гады найлепшым драматычным серыялам, па версіі Амерыканскай тэлеакадэміі, станавіўся фільм «Ва ўсе цяжкія».
«Гульню тронаў» рэгулярна крытыкавалі за сцэны гвалту і сэксу.
Цяпер чытаюць
Пашпарты беларусаў, якія галасуюць на выбарах у КР, апрацуе кампанія, у якой апошнюю ўцечку выявілі ў 2026-м, а заснавальнікі — расіяне63
Каментары