Выпускніка ліцэя за наркотыкі арыштавалі на вачах у навучэнцаў ВІДЭА
У Гродне гарадская пракуратура і Гродзенскі міжраённы аддзел Следчага камітэта 28 ліпеня публічна ўзялі пад варту нядаўняга выпускніка Гродзенскага прафесійнага будаўнічага ліцэя №1. 18-гадовага хлопца арыштавалі на вачах педагагічнага калектыву і навучэнцаў ліцэя — з прафілактычнымі мэтамі.
На маладога чалавека пачалі крымінальную справу за незаконнае набыццё і захоўванне без мэты збыту асабліва небяспечнага псіхатропнага рэчыва. Пра гэта на тэлеканале «Беларусь 1» паведаміў намеснік пракурора Гродна Дзмітрый Антановіч:
«Былы іх выпускнік незаконна набыў і захоўваў пры сабе псіхатропныя рэчывы (спайс), быў затрыманы супрацоўнікамі міліцыі. У яго забралі гэтае рэчыва».
Праваахоўнікі ўлічылі абставіны зробленага і адмоўную характарыстыку хлопца. Таму было прынятае рашэнне ўзяць яго пад варту.
Дарэчы, у Гродзенскім будаўнічым ліцэі №1 ужо другі раз публічна арыштоўваюць навучэнца.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро12
Каментары