Паўабаронца «Растова» і зборнай Беларусі Цімох Калачоў не згуляе ў адборачным матчы чэмпіянату Еўропы-2016 супраць каманды Іспаніі. Па звестках pressball.by, хаўбек ўжо пакінуў стан нацыянальнай каманды.
Аб прычынах пакуль не паведамляецца. На перадматчавай прэс-канферэнцыі галоўны трэнер зборнай Беларусі Аляксандр Хацкевіч паведаміў толькі аб тым, што ў матчы не прыме ўдзел абаронца БАТЭ Максім Жаўнерчык.
За пару дзён да гульні Калачоў настроіў супраць сябе частку заўзятараў наступным выказваннем: «Справа не ў кар'еры — заўсёды лічыў Расію роднай і блізкай краінай. Тым больш у мяне тата — беларус, а мама — руская. Так што для мяне наогул адрозненняў няма — адны і тыя ж людзі. І да Расіі стаўлюся выдатна. Увогуле, ідэальна, калі б мы былі адной краінай».
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ6464
Каментары