Навуковае падарожжа з Ірынай Дубянецкай і Сяргеем Харэўскім адбудзецца па маршруце: Менск — Княжыцы – Палыкавічы — Магілёў — Баркалабава - Быхаў — Менск 24 мая.
Гэтым разам наш шлях вядзе ў Падняпроўе, да берагоў легендарнае ракі славяншчыны, водамі якое, паводле апокрыфаў, трымаў свой шлях Сьвяты Андрэй, апостал. Мы ўбачым край, дзе была створаная Баркулабаўская хроніка — унікальны помнік беларускага летапісаньня пачатку ХVII ст.У Святадухавым манастыры ў колішнім мястэчку Баркалабава пабачым Сьвяты абраз Маці Божае Баркулабаўскае.
Мы спрычынімся да сьвятыняў, агледзім берагі сівога Дняпра, наведаем старадаўнія храмы, а перадусім – будзем весьці гутарку пра стражытныя паданні, сьвятыя абразы, летапісы і хронікі, створаныя на гэтых берагах.
У Княжыцах мы агледзім руіны касцёла Сьвятых Антонія і Мікалая і славутага кляштара дамініканцаў XVIII ст.. У Палыкавічах будзем піць ваду са сьвятой крыніцы і агледзім Пятніцкую царкву. У Магілёве наведаемся ў кафэдральны сабор Трох Сьвяціцеляў, іканастас якога ўпрыгожваюць сьпісы са славутых святых абразоў Магілёўшчыны, у слынны Мікалаеўскі манастыр XVII ст.над Дняпром, у ратушу, архікафэдральны каталіцкі сабор Сьвятога Станіслава ды пройдземся вуліцамі старажытнага горада. Далейшы наш шлях пройдзе праз вёску Салтанаўка, дзе ёсьць капліца ў гонар падзеяў 1812 года да Баркалабава, дзе сёньня, як і здаўна, дзейнічае Узьнясенскі манастыр, дзе зьберагаюць і шануюць славуты сьвяты абраз Баркалабаўскае Маці Божай.
Мы наведамем Быхаў над Дняпром, дзе ўбачым унікальную рэнэсансную сынагогу-крэпасць XVIIст., вялікі замак Хадкевічаў і Сапегаў, узьведзены над стромым берагам у 1610-1619 гг., драўляную Траецкую царкву, у якой перахоўваўся сьвяты цудадзейны абраз Баркалабаўскай Маці Божай цягам 60 гадоў, а таксама колішні кляштар канонікаў латэранскіх, пераробены на жаночую гімназію, а а пасьля на турму, дзе былі зьняврленыя генералы царскае Стаўкі, уцёкі якіх, на чале з Карнілавым, сталі пачаткам вялікай Грамадзянскай вайны ў Расеі…
Дабрачынны ўнёсак — 350 тыс. руб.
Па пытаньнях удзелу ў вандроўцы зьвяртайцеся на адрас:
[email protected]
альбо тэлефануйце
+375 (29) 180-28-38 (Сьвятлана)
Адмыслова для падзеі створаныя суполкі ў Фэйсбуку і Ўкантакце.
Цяпер чытаюць
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары