27 (28). Сямён Шапіра
Старшыня Мінскага аблвыканкама.
«Я прызначаў Шапіру. Ён мне кажа: ды вы што, Аляксандар Рыгоравіч! Я яму: а ты што маеш на ўвазе? Ён: я яўрэй, вас жа будуць крытыкаваць. Я кажу: ды якая розніца, хто ты», — расказваў Аляксандр Лукашэнка.
Прэтэнзій да Шапіры ў кіраўніка краіны нямнога. Калі той і зменіць пасаду, то толькі каб пайсці на павышэнне. Ягоныя 54 гады ўспрымаюцца наменклатурай як час позняй маладосці.
Шапіра можа ўзняцца аж да прэм’ера. Але наўрад ці вышэй — пятую графу мае на ўвазе і сам чыноўнік.
А калісьці Шапіра ўваходзіў у Аб’яднаную грамадзянскую партыю і лічыўся прыхільнікам рынкавай эканомікі. Часы змяняюцца, і цяпер ягонае імя асацыіруецца з пагромам гісторыкаў Гродзенскага дзяржаўнага ўніверсітэта.
Аб’ектыўка
Нар. у 1961 ў вёсцы Рэчань на Любаншчыне. Закончыў Беларускі дзяржаўны інстытут народнай гаспадаркі. Працаваў у калгасах Дзяржынскага раёна, пасля ў структуры Міністэрства сельскай гаспадаркі (1999—2004). Генеральны дырэктар агракамбіната «Дзяржынскі» (2004—2008), міністр сельскай гаспадаркі (2008—2010), старшыня Гродзенскага аблвыканкама (2010—2013), старшыня Мінскага аблвыканкама (з 2013). Жанаты, мае дачку.
* * *
Чытайце таксама:
Гісторыя жыцця Сямёна Шапіры: жорсткі як Лукашэнка
* * *
20‑гадовую дзяўчыну з аграгарадка Макраны на мяжы з Украінай асудзілі за Гаюна5
20‑гадовую дзяўчыну з аграгарадка Макраны на мяжы з Украінай асудзілі за Гаюна
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі1818
Каментары