14 (37). Мікалай Снапкоў
Намеснік кіраўніка Адміністрацыі прэзідэнта.
Снапкова традыцыйна лічыць прыхільнікам рынкавай эканомікі. На пасадзе міністра эканомікі яму дазвалялася генераваць новыя ідэі, а вось паўнамоцтваў на іх рэалізацыю бракавала. Цяпер чыноўнік вярнуўся ў кіраўніцтва Адміністрацыі прэзідэнта.
З кожным годам Снапкоў пачуваецца ўсё больш упэўнена. Ён можа належным чынам прэзентаваць краіну на міжнародным узроўні, гатовы і да кантактаў з незалежнымі экспертамі.
Адзін з самых маладых міністраў Беларусі прыйшоў на высокую пасаду фактычна ніадкуль, і гэта галоўная загадка ў ягонай біяграфіі. Некаторыя казалі, што гэта фаварыт Барыса Батуры, іншыя шукалі сваяцкія ці сяброўскія сувязі між жонкай Снапкова і нявесткамі Аляксандра Лукашэнкі. Аднак пра сям’ю эканаміста дагэтуль нічога невядома, толькі сам Снапкоў прызнаваўся, што ягоная маці жыве ў Літве. Дый самога чыноўніка бачылі на закупах у «Акропалісе».
Цытата
«Ні я, ні каманда Мінэканомікі не з’яўляемся рэфарматарамі. Мы прагматыкі».
Снежань 2014, да змены месца працы.
Аб’ектыўка
Нар. у 1969 у Магілёве. Закончыў Беларускую сельгасакадэмію (1991), Акадэмію кіравання (2001). Працаваў эканамістам, старшым эканамістам, бухгалтарам у калгасах Магілёўшчыны і Гродзеншчыны, у сістэме «Белаграпрамбанка». Намеснік старшыні Горацкага райвыканкама (1996—2000), начальнік фінансавага ўпраўлення, а пасля намеснік старшыні Магілёўскага аблвыканкама (2000—2009). Намеснік кіраўніка Адміністрацыі прэзідэнта (у 2009 і з 2014). Міністр эканомікі (2009—2014).
* * *
Цяпер чытаюць
Жанчыну-пульманолага з 30-гадовым стажам адправілі ў калонію па трох палітычных артыкулах3
Каментары