Юніён і Уэйд пра свае інтымныя фотаздымкі: Мы не зрабілі нічога кепскага
Хакеры 20 верасня, у чарговы раз, выклалі ў інтэрнэт свежую порцыю інтымных фотаздымкаў знакамітасцяў.
Першая порцыя такіх фота стала агульнадаступнай на пачатку верасня.
На гэты раз фатаграфіі, выкраденыя хакерамі з асабістых «айфонаў» зорак, з'явіліся адразу на некалькіх сайтах і імкліва разышліся па інтэрнэце. Адміністратары зорак экстрана выдаляюць фатаграфіі, але многія карыстальнікі паспелі перанесці іх у сацыяльныя сеткі.
Навінавы партал TMZ паведамляе, што на гэты раз хакеры выклалі ў сеціва раней неапублікаваныя фота зоркі амерыканскіх рэаліці-шоў Кім Кардаш'ян, амерыканскай футбалісткі Хоуп Сола, акторак Кейлі Куока-Свіцінг, Ванэсы Хаджанс і г.д.
Амерыканская пара — актрыса Габрыэль Юніён і амерыканскі баскетбаліст Дуэйн Уэйд, якія таксама сталі ахвярамі хакераў, патрабуюць ад ФБР правесці расследаванне хакерскага ўзлому.
Вядома, што Габрыэль Юніён і Дуэйн Уэйд сталі сямейнай парай 30 жніўня 2014 года, але сустракаліся да вяселля на працягу 5 гадоў.
— Нам стала вядома, што інтымныя моманты, якія мы дзялілі выключна адзін з адным, былі выкрадзеныя сцярвятнікамі, — гаворыцца ў іх сумеснай заяве.
— Мы шлем ўсім пацярпелым нашу любоў, падтрымку і малітвы. Мы не зрабілі нічога дрэннага, — заявілі Габрыэль Юніён і Дуэйн Уэйд, звяртаючыся да ўсіх ахвяр хакерскага злачынства.
-
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі
-
«Дзяўчаты, гэта рэальна працуе!» Нявеста Пратасевіча расказала, як прываражыла будучага мужа чырвонымі трусамі
-
Яноціха Ясенія, якая нелегальна прыехала з ЗША, знайшла мужа ў Баранавічах
Каментары