У ноч на панядзелак віленскім паліцэйскім прыйшлося ўціхамірваць шасцярых дальнабойшчыкаў: адзін з іх разыграў спектакль і ў паліцыі, у суд яго даставілі напаўголым.
«У такім выглядзе мяне прывезлі ў камісарыят», — заявіў у Віленскім участковым судзе 35-гадовы грамадзянін Беларусі Дзмітрый Андрайчук, які некалькі гадоў працуе кіроўцам у кампаніі Girteka. Яго прывезлі ў суд у спартыўных шортах.
Цела мужчыны было ўсеяна сінякамі і ранамі — ён пацярпеў падчас бойкі з іншымі кіроўцамі вялікагрузных машын. Акрамя таго, ён аказаў супраціў паліцыі.
Суддзя прызначыла яму за адміністрацыйнае парушэнне штраф.
Паводле матэрыялаў справы, каля 00:40 Андрэйчук і яшчэ пяцярых мужчын даставілі ў 2-і Віленскі камісарыят паліцыі. Яны пабіліся на стаянцы для машын.
Нецвярозы Андрэйчук быў абураны тым, што яго затрымалі - ён аказаў супраціў паліцыі, прыйшлося прымяніць электрашокер, толькі пасля гэтага яго атрымалася зачыніць у КПЗ.
У крыві Андрэйчук было 1,12 праміле алкаголю.
У судзе ён сказаў, што аказаў супраціў толькі таму, што не хацеў, каб яго зачынялі ў КПЗ.
Ён не захацеў растлумачыць, па якой прычыне паміж кіроўцамі разгарэўся канфлікт, што перарос у бойку.
Каментары