У свой час сьвятое пісаньне выратавала мясцовая жыхарка Аляксандра Пятрова. Калі зачыненую ўладамі царкву пачалі рабаваць, яна забрала да сябе старую кнігу.
У царкве Святой Тройцы, што знаходзіцца ў Астроўне — на радзіме славутага канцлера Вялікага княства Літоўскага Льва Сапегі — нядаўна адбылася знакавая падзея. Сюды вярнулася Евангелле, выдадзенае больш за стагоддзе таму, у 1896 годзе. Гэтым Евангеллем карысталіся падчас богаслужэнняў у храме, пакуль у 60‑я гады мінулага стагоддзя ён не быў закрыты.
У свой час Святое пісанне выратавала мясцовая жыхарка Аляксандра Пятрова. Калі закрытую ўладамі царкву пачалі рабаваць, яна забрала да сябе старую кнігу. Малілася па ім і верыла, што прыйдзе час, калі Евангелле вернецца ў храм. Затым здарылася так, што кніга трапіла да яе сваячкі Любові Важгуравай, якая зараз жыве ў Віцебску.
«Пасля смерці маёй цёці мой бацька прынёс Евангелле да нас. Наш старэйшы сын Дзмітрый звярнуўся да спецыялістаў, якія яго адрэстаўравалі. Некаторыя, хто бачыў гэтую кнігу ў нашым доме, раілі яе прадаць, бо кніга старажытная і каштоўная. Але нешта стрымлівала. А калі пачалі аднаўляць астровенскі храм, мы сабраліся ўсёй сям’ёй, параіліся і вырашылі Евангелле вярнуць. А як жа інакш?», — распавяла Любоў Важгурава.
Царква Святой Тройцы ў Астроўне — культавы будынак ХVI стагоддзя. Гэта адзін з нямногіх храмаў на Віцебшчыне, які не быў зруйнаваны ў савецкія часы. Цягам апошняга года тут вядуцца аднаўленчыя працы.
Цяпер чытаюць
На «Гродна Азоце» скончыў жыццё самагубствам намеснік начальніка цэха1
На «Гродна Азоце» скончыў жыццё самагубствам намеснік начальніка цэха
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары