У Мінску памёр баскетбаліст падчас матчу непрафесійнай баскетбольнай лігі
Падчас матчу вышэйшага дывізіёна непрафесійнай баскетбольнай лігі «Нафтавік-Караван» з Гомеля і «Вегас» з Брэста памёр гулец гомельскай каманды Сяргей Максімаў.
За жыццё Сяргея Максімава гадзіну змагаліся медыкі, але выратаваць спартсмена-аматара не ўдалося.
«Гэта была першая гульня плэй-оф. Быў пачатак першай чвэрці. Сяргей на тройцы атрымаў мяч. Барацьбы не было, нічога … Раптам яму проста стала дрэнна. Ён адкінуў мяч і паваліўся на падлогу. У зале адразу выклікалі хуткую, прыехала рэанімацыя. Каля гадзіны дактары змагаліся за жыццё Сяргея … На жаль, не атрымалася», — распавёў адзін з прадстаўнікоў НБЛ.
Амаль увесь склад гэтай каманды — баскетбалісты, што пагулялі на прафесійным узроўні. 36-гадовы Сяргей быў адным з іх.
«Мы выказваем спачуванні родным, блізкім і сябрам Сяргея, а таксама ўсім гульцам і персаналу каманды «Нафтавік-Караван». Гэта не проста інцыдэнт, сябры. Сёння мы страцілі аднаго з членаў нашай вялікай баскетбольнай сям'і. R.I.P.», — гаворыцца ў афіцыйным твітары НБЛ.
У сувязі з трагедыяй ўсе матчы 6 красавіка былі адмененыя.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць2828
Каментары