Анатоль Тарас: Інтэрнэт-сайты «Заходняя Русь» і «Імперыя», заходнерусісты рыхтуюць глебу для анэксіі Беларусі
«Кожны, каму неабыякавы лёс Бацькаўшчыны, павінен дакладна разумець: заходнерусісты — гэта «пятая калона» суседняй дзяржавы. Заходнерусісты нястомна вядуць прапаганду, якая ставіць сваёй канчатковай мэтай ліквідацыю суверэнітэту Беларусі і поўнае яе падпарадкаванне Маскве, — піша ў сваім новым артыкуле выдавец, кандыдат філасофскіх навук, а ў мінулым спецназавец Мінабароны Анатоль Тарас. — Як выказаўся адзін з маскоўскіх куратараў гэтай публікі, «даўно пара скончыць з недарэчнай незалежнасцю». Ён меў на ўвазе нашу «сінявокую». Не мае прынцыповага значэння, у якой форме плануецца «канчатковае рашэнне пытання». Не выключана, што фармальна РБ захаваецца», — працягвае Тарас.
«Калісьці існавала БССР», нагадвае ён, але ў гэтым марыянеткавым утварэнні за 10 гадоў (з 1930 па 1939) савецкія спецслужбы вынішчылі ўсе беларускія эліты да апошняга чалавека.
«Практычную дзейнасць арганізацый западнарусістаў (напрыклад, іх інтэрнэт-сайтаў), — піша Тарас, — курыруе федэральнае агенцтва «Рассупрацоўніцтва», якое мае гадавы бюджэт звыш 500 мільёнаў даляраў. У Беларусі плённа працуюць некалькі дзясяткаў «спецыялістаў», якія скончылі курсы псіхалагічнай вайны, разгорнутыя на базе Новасібірскай вышэйшай вучэльні паветрана-дэсантных войскаў».
Тарас заклікае змяніць стаўленне да западнарусістаў з паблажлівага на нецярпімае: «Яны распрацоўваюць і прапагандуюць ідэалогію поўнага прыгнёту Беларусі. У Расіі мае месца эканамічны крызіс, таму Маскве вельмі патрэбныя працавітыя рабы. А самы лепшы раб той, хто перакананы ў неабходнасці свайго рабства. Менавіта такім перакананнем беларусаў займаюцца западнарусісты».
Тарас абвінавачвае ў западнарусізме інтэрнэт-сайты «Заходняя Русь» і «Імперыя».
Цяпер прарасійскія сілы ажывіліся. У вачах у іх з'явіўся драпежны агеньчык, піша Тарас. «Маўляў, дайце толькі час! Масква разбярэцца з Украінай па поўнай праграме, а потым і іншымі зоймецца. Што ж, падстава для такога роду настрояў у іх сапраўды ёсць. Нашы геніяльныя камандуючыя 20 гадоў запар заклікалі народ быць гатовым засесці ў акопах на шляху танкаў з краін НАТА. А выходзіць, што акопы лепш бы выкапаць на ўсходніх рубяжах», — мяркуе ён.
«Настаў момант ісціны», — сцвярджае Тарас.
«Дык дадому забяры алкаша абасцанага і выходжвай». Малады загадчык аддзялення бальніцы не стрымлівае сябе ў выразах у сацсетках24
Каментары