Валавы знешні доўг Беларусі павялічыўся з пачатку 2013 года на 3 млрд. 332,2 млн. долараў, ці 9,8%, і на 1 кастрычніка склаў 37 млрд. 98,2 млн. долараў ЗША.
Адносна ВУП бягучая сума доўга склала 54,9% супраць 53,5% ВУП на 1 студзеня.
Як паведамілі ў Нацыянальным банку, у трэцім квартале валавы знешні доўг вырас на 1 млрд. 883,3 млн., ці 5,3%.
Знешні доўг органаў дзяржаўнага кіравання вырас з пачатку года на 325,4 млн. долараў, ці на 2,6%, і на 1 кастрычніка 2013 года склаў 12 млрд. 894 млн. (19,1% да ВУП).
Доўг органаў грашова-крэдытнага рэгулявання вырас на 287,2 млн. долараў, ці на 65,4% з пачатку года, і склаў 726,1 млн. долараў.
Беларускія банкі павялічылі знешні доўг за тры кварталы 2013 года на 1 млрд. 740,2 млн. долараў, ці на 28%, да 7 млрд. 947,1 млн. на 1 кастрычніка 2013 года.
Валавы знешні доўг іншых сектараў на 1 кастрычніка 2013 года склаў 14 млрд. 63,8 млн. долараў, павялічыўшыся на 689,5 млн. долараў, ці на 5,2% з пачатку года.
У разліку на душу насельніцтва валавы знешні доўг вырас на 351,3 долара з пачатку года і на 1 кастрычніка 2013 года склаў 3.919,5 долара ЗША супраць 3.568,2 долара на пачатак года.
На абслугоўванне валавога знешняга доўгу Беларусі ў студзені—верасні 2013 года накіравана 4 млрд. 532,6 млн. долараў, што склала 8,8% ВУП, ці 13,6% экспарту тавараў і паслуг.
У тым ліку плацяжы па асноўным доўгу склалі 3 млрд. 546,4 млн. долараў, плацяжы па працэнтах — 986,2 млн. долараў.
На абслугоўванне знешняга доўгу органаў дзяржкіравання за тры кварталы зрасходавана 1 млрд. 763,5 млн. долараў ЗША, з іх 1 млрд. 366,5 млн. — на пагашэнне асноўнага доўгу, 397 млн. долараў — на выплаты працэнтаў.
Валавы знешні доўг Беларусі ўяўляе сабой нявыплачаную суму фактычных бягучых і неабумоўленых абавязацельстваў, якая патрабуе выплаты асноўнага доўгу і/або працэнтаў дэбіторам у наступны перыяд часу і ўяўляе сабой абавязацельствы рэзідэнтаў Беларусі перад нерэзідэнтамі.
Валавы знешні доўг уключае ў сябе доўг органаў дзяржаўнага кіравання, органаў грашова-крэдытнага рэгулявання, банкаў і іншых сектараў эканомікі.
Цяпер чытаюць
Былога супрацоўніка контрразведкі КДБ арыштавалі за здраду дзяржаве11
Каментары