У Беларусі сістэма tax free можа рэальна пачаць працу да верасня, заявіў міністр гандлю Беларусі Валянцінаў Чаканаў напрэс-канферэнцыі ў Мінску 24 ліпеня.
У Беларусі аператарам tax free стала РУП «Белмытнясэрвіс», партнёрамі аператара — РУП «Белпошта» і ААТ «ААБ «Беларусбанк». Паводле слоў Чаканава, на працягу найбліжэйшага месяца буйныя беларускія магазіны павінны падпісаць дагаворы з аператарам. «Міністэрства гандлю сумесна з абласнымі ўпраўленнямі гандлю актыўна садзейнічае ў заключэнні такіх дагавораў. На працягу 30–40 дзён будзе распрацаваны праграмны прадукт, які звяжа ўсіх удзельнікаў працэсу — банкі, пошту, магазіны, мытню і аператара», — адзначыў міністр.
Ён таксама падкрэсліў, што такія праграмныя прадукты працуюць пакуль не ва ўсіх краінах і «большую частку інфармацыі даводзіцца запісваць у чэк уручную».«Такі падыход дазволіць мінімізаваць уплыў чалавечага фактару, паскорыць працэс афармлення і дазволіць пацвярджаць дакладнасць дакументаў», — растлумачыў Чаканаў.
***
Нагадаем, 1 студзеня 2013 года ў Беларусі пачала дзейнічаць сістэма tax free. Гэта азначае, што замежныя грамадзяне, якія наведалі краіну, могуць атрымаць суму ПДК па сістэме tax free у пунктах пропуску, дзе знаходзяцца структурныя падраздзяленні банкаў. Мінімальны кошт пакупак пры вяртанні ПДК — 800 тысяч рублёў, прычым тавар павінен быць набыты ў адным магазіне на працягу аднаго працоўнага дня.
Суму падатку вяртаць не будуць у тых выпадках, калі тавар у Беларусі вызвалены ад ПДК ці па ім прымяняецца паніжаная стаўка. Гэта, напрыклад, датычыцца харчовых тавараў, якія ў Беларусі абкладаюцца па паніжанай стаўцы. Акрамя таго, не падлягае вяртанню ПДК на падакцызныя тавары (алкаголь, тытунь).
Цяпер чытаюць
Максім Знак: Мы з Ціханоўскай зайшлі падаваць скаргу ў кабінет Ярмошынай — але Ярмошынай там не было59
Каментары