Камісія па пытаннях памілавання пры прэзідэнце Украіны рэкамендавала Віктару Януковічу адхіліць хадайніцтва аб вызваленні Юліі Цімашэнкі. Пра гэта ў суботу заявіў намеснік генеральнага пракурора Міхаіл Гаўрылюк, які ўваходзіць у камісію.
Па словах Гаўрылюка, згодна з заканадаўствам падстаў для памілавання няма.
Прашэнне аб памілаванні былога прэм'ера, якая адбывае сямігадовы тэрмін за перавышэнне паўнамоцтваў пры падпісанні газавага пагаднення з РФ, было перададзена Януковічу групай жанчын з ліку апазіцыйных дэпутатаў Вярхоўнай Рады 18 красавіка. Вядома, што гэта прашэнне не адзінае, якое паступіла прэзідэнту. Так, з аналагічнымі просьбамі раней выступалі грамадскія актывісты з Запарожжа, Закарпацця, Данецкай і Львоўскай абласцей.
***
Юлія Цімашэнка была арыштаваная пасля таго, як да ўлады ва Украіне прыйшлі яе палітычныя апаненты: Віктар Януковіч і яго Партыя рэгіёнаў.Былога кіраўніка ўрада абвінавацілі ў перавышэнні паўнамоцтваў пры заключэнні газавых пагадненняў з Расіяй. Суд прызнаў яе вінаватай і прысудзіў да сямі гадоў турмы. У дачыненні да экс-прэм'ера былі распачатыя яшчэ дзве крымінальныя справы: ёй ставяцца ў віну фінансавыя махінацыі падчас кіраўніцтва «Адзінай энергетычнай сістэмы Украіны», а таксама дачыненне да забойства дэпутата Яўгена Шчэрбаня ў 1990-я гады.
Сама Цімашэнка усе абвінавачванні ў свой адрас адмаўляе, заяўляючы, што ўлады пераследуюць яе па палітычных матывах. Пры гэтым экс-прэм'ер неаднаразова падкрэслівала, што прасіць прэзідэнта аб памілаванні (што азначала б прызнанне віны з яе боку) не збіраецца...
Цяпер чытаюць
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе8
Каментары