Памёр Васіль Старавойтаў — ардэнаносец-старшыня калгаса, пасля — палітвязень
Двойчы Герою Сацыялістычнай Працы ішоў
На89-ым годзе пайшоў з жыцця былы старшыня легендарнага калгасу «Світанак» Васіль Старавойтаў.
«Гэта страта для ўсёй Беларусі, — кажа лідар Аб’яднанай грамадзянскай партыі Анатоль Лябедзька (менавіта ў АГП уваходзіў Старавойтаў). — Краіна страціла Асобу, Легенду, рэфарматара. Васіль Канстанцінавіч не толькі двойчы Герой працы, гэта Герой нашага часу. Чалавек, што не захацеў падладжвацца пад кіраўніка, што не захацеў быць сярод прыдворнай чэлядзі. У яго заўсёды быў свой погляд на навакольны свет, свая пазіцыя.
Мы шукаем герояў у мінулым, за межамі краіны. А яны побач з намі».
Васіль Старавойтаў нарадзіўся 13 чэрвеня 1924 ў вёсцы Барок Бялыніцкага раёна Магілёўскай воблаcці.
Удзельнічаў у вайне ў якасці байца, пазней — памочніка начальніка штаба
У 1957–1968 працаваў дырэктарам саўгаса «Раднянскі» Клімавіцкага раёна.
У 1968–1997 — старшыня калгаса «Світанак» імя К. Арлоўскага. Пасля развалу савецкай сістэмы перавёў працы сваёй аграгаспадаркі на рынкавыя асновы, захаваў яе прыбытковай.Абіраўся дэлегатам XXV, XXVI і XXVII з’ездаў КПСС, дэпутатам Вярхоўнага Савета СССР
У 1994 выступіў з крытыкай Аляксандра Лукашэнкі, не падтрымаў яго кандыдатуру на выбарах. Ведаў яго яшчэ па саўгасе «Гарадзец» і нізка ацэньваў яго як мэнэджара. У кастрычніку 1997 года быў адхілены ад працы і арыштаваны.Абвінавачваўся ў перавышэнні службовых паўнамоцтваў, эканамічных злачынствах, хабары, арганізацыі забойства кіраўніка магілёўскага Дзяржкантролю Мікалуцкага. Правёў за кратамі амаль паўтара года.
У СІЗА ён перанёс два сардэчныя прыступы, мікраінсульт, пасля якога не мог гаварыць, практычна страціў зрок.
Пасля вызвалення з месцаў зняволення вярнуўся дадому, у вёску Мышкавічы Магілёўскай вобласці.
Двойчы Герой Сацыялістычнай Працы, кавалер трох ордэнаў Леніна, ордэнаў Кастрычніцкай Рэвалюцыі, Айчыннай вайны
Ад
Цяпер чытаюць
Спявачку Мэрыем Герасіменка на працягу двух гадоў збіваў муж33
Каментары