Гэта адказ на расійска-беларускія вучэнні «Захад-2025».
Польшча разгортвае на мяжы з Беларуссю 40 тысяч вайскоўцаў. Пра гэта паведаміў намеснік міністра абароны Цэзары Томчык.
Ён патлумачыў, што рашэнне накіраваць вайскоўцаў звязана з пачаткам расійска-беларускіх манеўраў «Захад», што стартуюць 12 верасня ў Беларусі, піша Gazeta.pl.
Томчык падкрэсліў, што Польшча гатовая да расійска-беларускіх вучэнняў «Захад», якія пачынаюцца 12 верасня.
«Польшча рыхтавалася да манеўраў «Захад-2025» шмат месяцаў. Польскае войска правяло вучэнні, у якіх узялі ўдзел больш за 30 тысяч польскіх вайскоўцаў, а таксама вайскоўцаў альянсу, каб адэкватна адказаць на «Захад-2025», — сказаў Томчык.
На думку Томчыка, вучэнні расіян і беларусаў лічацца наступальнымі.
«З гэтага пачалася вайна ва Украіне, а таксама агрэсія на Грузію. Таму польскае войска рыхтавалася да гэтага. У бліжэйшыя дні мы будзем мець на мяжы каля 40 тысяч вайскоўцаў», — заявіў намеснік кіраўніка Мінабароны
Томчык прызнаў, што парушэнне паветранай прасторы расійскімі дронамі ў ноч з 9 на 10 верасня звязваюць менавіта з ваеннымі манеўрамі «Захад-2025».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў3
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары