Справу аб асабліва злосным хуліганстве з удзелам расійскага экстрэміста Максіма Марцінкевіча па мянушцы Цясак будзе расследаваць упраўленне Следчага камітэта па Мінску.Як паведаміў афіцыйны прадстаўнік УСК па Мінску Аляксандр Герасімаў, зараз матэрыялы перадаюцца з Партызанскага раённага аддзела СК.
Прызначаны экспертызы на прадмет устанаўлення выкарыстання траўматычнай зброі.Фігурантам справы на падставе ч. 3 арт. 339 КК (асабліва злоснае хуліганства) абвінавачванне павінна быць выстаўлена цягам 10 сутак.
Нагадаем, злачынства было ўчынена раніцай 14 лютага. Пра яго стала вядома грамадскасці толькі праз чатыры дні.Падазраванымі з’яўляюцца двое грамадзян Беларусі і расіянін Максім Марцінкевіч. Усе яны знаходзяцца ў ізалятары часовага ўтрымання. Яны былі затрыманы 14 лютага пасля канфлікту з трыма беларусамі каля клінікі «Новы зрок».
Так, у інтэрнэце з’явілася інфармацыя, што разам з Марцінкевічам яшчэ адным падазраваным з’яўляецца ўраджэнец Беларусі Сяргей Кароткіх па мянушцы Малюта. Нібыта менавіта ён нанёс нажавыя раненні аднаму з пацярпелых. Страляў з траўматычнай зброі, мяркуючы па запісе камеры відэаназірання, Марцінкевіч.Гэтае здарэнне абрастае падрабязнасцямі, якія афіцыйна пакуль не каментуюць.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро5
Каментары