Mienavita na stolki pamienieła paŭnaletnich žycharoŭ krainy ŭ vybarčych śpisach sioletnich miascovych vybaraŭ proci prezydenckich-2001. Heta adkryŭ Niezaležny instytut sacyjalna-ekanamičnych i palityčnych daśledavańniaŭ. U Centravybarkamie va ŭsim vinavaciać miascovuju ŭładu.
Pavodle źviestak Ministerstva statystyki, u lutym 1999 h. u našaj krainie žyło 7.593.100 čałaviek va ŭzroście 18 hadoŭ i starejšych, a ŭ śpisy dla hałasavańnia na prezydenckich vybarach 2001 h. było ŭklučana tolki 7.356.343 čałavieki. Na 1 studzienia 2003 h. u Biełarusi było 7.727.110 paŭnaletnich, a kolkaść vybarščykaŭ na sioletnich vybarach u miascovyja saviety skłała tolki 7.044.500 (biez 60 tys. hramadzianaŭ Rasiei, jakija mieli prava hałasavać). Ad roźnicy pamiž hetymi ličbami pradstaŭniki NISEPD adniali jašče 82 tys. čałaviek — pryblizna stolki hramadzianaŭ našaj krainy pazbaŭlenyja prava hołasu. I ŭsio ž atrymlivajecca, što kala 600 tys. vybarščykaŭ «źnikajuć» ź śpisaŭ Centravybarkamu.
Sakratar CVK Mikałaj Łazovik zhadanaj publikacyi «jašče nia bačyŭ» — jon tolki vyjšaŭ na pracu paśla adpačynku. Ale vykazacca nakont «źniknieńnia vybarščykaŭ» pahadziŭsia. «Što Centralnaja vybarčaja kamisija źvierchu moža ŭbačyć u cełym pa respublicy? — razvažaje jon. — Ničoha. Nijakich adnosinaŭ da śpisaŭ my nia majem. Centravybarkam dziejničaje ŭ adpaviednaści z zakanadaŭstvam, i śpisy składajucca nia nami, a administracyjami rajonaŭ, rajvykankamami. Paśla śpisy vybarščykaŭ padajucca va ŭčastkovyja kamisii. Hetym ustanovam, jakija znachodziacca pa miescy žycharstva ludziej, praściej pravieryć ich pravilnaść».
Aleh Tačony
Ciapier čytajuć
Uvodziać adkaznaść za prapahandu homaseksualnaści, biaździetnaści, a taksama za niezakonnaje pradstaŭleńnie Biełarusi na mižnarodnaj arenie26
Kamientary