Darahija Biełarusy! Darahija ziemlaki!
Heta byli nia vybary, a nachabnaje, u katory raz, ašukanstva naroda.
Nielha dapuskacca, kab nam plavali ŭ tvar. Nielha dazvolić, kab taptali naš čałaviečy honar. Budučynia Biełarusi napieradzie, a nie ŭ kałhasnaj savieckaj jamie!
Naša budučynia vyrastaje ciapier, na Centralnaj płoščy Mienska, dzie maładyja biełarusy achviaravalisia i stajać za volnuju Baćkaŭščynu, za spraviadlivaść, za novyja vybary Biełaruskaha Prezydenta.
Časam pieramoha vyznačajecca nia kolkaściu, a vytrymkaj, dakładnaściu i arhanizavanaściu. Mienavita hetak u 1991 hodzie nam, deputatam Apazycii BNF, jakija składali niapoŭnych 10 adsotkaŭ u Viarchoŭnym Saviecie, ale dziejničali rašuča, udałosia, pry padtrymcy ludziej na płoščy, spynić dziejnaść KPSS u Biełarusi i viarnuć niezaležnaść Baćkaŭščyny.
Źviartajusia da ŭsich biełaruskich ludziej, u kaho bjecca serca za našu Ajčynu. Padymajmasia! Padtrymajem našu moładź! Usie na płošču! Chopić paranojnaha chamstva! Chopić aficyjnaha publičnaha abzyvańnia ludziej «debiłami», «padonkami», «admarozkami»! Chopić taptańnia našaj movy, našaha śviatoha Ściaha, našaha Francyska Skaryny ŭ hraź! Nie pavinny prymityŭnyja hrupy hramadztva kiravać kulturnaj nacyjaj.
Padymajmasia! Źviartajusia da ŭsich siabroŭ adzinaha Biełaruskaha Narodnaha Frontu - na płošču! Treba zhurtavacca ŭsim, nastaje čas; tolki razam advajujem budučyniu i svabodu. Rašajučaje słova pavinien skazać salidarny narod. Kanservatyŭna-Chryścijanskaja Partyja - BNF padtrymlivaje moładź na płoščy i razam vychodzić na mienski bruk.
Niachaj łunaje nad nami «Mahutny Boža»! Musiać być novyja vybary. Pavinien być biełaruski prezydent. Była i budzie volnaja Biełaruś!
Ciapier čytajuć
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary