Viktar ŠNIP
Sabačyja historyi
Adzin sabaka znajšoŭ kostku. Prynios dachaty, a tam užo hałodny Hraždan siadzić.
Da adnaho sabaki pryjšoŭ Hraždan i kaža: «Ciabie ŭžo z Kartasaram paraŭnoŭvajuć!» Sabaka spałochaŭsia: «A chto taki Kartasar?»
Adzin sabaka pryjšoŭ da Hraždana. A Hraždan i kaža: «A ŭ vas nohi kryvyja...»
Adnaho sabaku pavinšavali z Dniom naradžeńnia. Hraždan usiu noč nia spaŭ — pisaŭ u dziońniku: «Bačyŭ na vulicy adnaho sabaku. Išoŭ jon zadzioršy nos, a ŭ mianie hałava bolšaja...»
Z adnaho sabaki ŭpaŭ vołas. Padbieh Hraždan i davaj iłbom bicca ab asfalt.
Adzin sabaka navučyŭsia ličyć hrošy. U Hraždana była aščadnaja knižka z tryma savieckimi rublami i partret Mikłuchi-Makłaja.
Adzin sabaka byŭ bieły. A Hraždan usiu noč myŭ čornyja škarpetki.
Adzin sabaka pajšoŭ na mitynh. Hraždan pajechaŭ u Vijetnam i adtul daŭ telehramu: «Hruzicie bulbu bočkami...»
Adnamu sabaku skazali, što jon nehar. Pačuŭ heta Hraždan i zakryčaŭ: «Nehram mahu być tolki ja!»
Adnamu sabaku stuknuli pa hałavie, i jon zahavaryŭ pa-polsku. A Hraždan razahnaŭsia, stuknuŭsia ŭ ścianu i staŭ havaryć pa-rasiejsku.
Da adnaho sabaki pa načach prychodziŭ Puškin. Hraždan daviedaŭsia pra heta i vymazaŭ fekalijami susiedzkija dźviery.
Adzin sabaka pakryŭdziŭsia na ŭvieś śviet. A Hraždan złaviŭ muchu i paadryvaŭ joj usie nohi.
Adzin sabaka pravaliŭsia ŭ kanalizacyju. Chodzić pa joj i dumaje, jak na bieły śviet vyleźci. I tut raptam nasustrač Hraždan z čajnikam: «Dzie tut u vas kipianiočku ŭziać?»
Adzin sabaka zachacieŭ pahladzieć televizar. Uklučyŭ, a tam — Hraždan u biełych pampersach.
Adnamu sabaku pašancavała — jon ceły dzień nia čuŭ i nia bačyŭ Hraždana.
Adzin sabaka pryjšoŭ u kaviarniu. Kupiŭ kavy. I tolki pačaŭ pić, jak padbieh Hraždan: «A ja vas paznaŭ! Vy palak i heta vy ihrali Šaryka ŭ «Čatyroch tankistach!»
Adnamu sabaku dali pad sraku. Lažyć sabaka i radujecca: «Dobra, što blizka nie było Hraždana...»
Adzin sabaka trapiŭ na mohiłki. Chodzić siarod kryžoŭ i płača: «Usie miortvyja... Usie Hraždany...»
Uśled za adnym sabakam išoŭ Hražan. Abrydzieła heta sabaku, i jon skazaŭ: «Čamu ja nia sokał? Čamu nie lataju?»
Adzin sabaka maryŭ pra Hraždana. Pryjšoŭ Hraždan i zabiŭ sabaku.
Adzin sabaka pajechaŭ na bazar. A tam Hraždan siadzić u beteery i... cišynia.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy69
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary