Paštovaja skrynka

 PAŠTOVAJA SKRYNKA

M.F. ź Bieraścia. U nas taksama niama davieru. Ale nia sprava hazety — być arhanizataram. Heta Vy musicie być arhanizataram. "NN" staić na pazycyjach palityčnaha nacyjanalizmu. Etničny nacyjanalizm ź pieradsudami što da "r." ci "ch." zdajecca nam atavizmam i paskudztvam, chacia pra etničny padbor najvažniejšych uradoŭcaŭ vy słušna zaŭvažajecie. Padbirajuć, kamu daviarajuć.

Uładzisłavu Ž. ź Miensku. A dzie ž my voźmiem hrošy, kab Vam padpisać hazetu? Vy dumajecie, nam hrošy ź nieba laciać?! My biaspłatna niamała biblijatek padpisvajem, inšyja biblijateki sami vypisvajuć — šukajcie tam našu hazetu.

"Čornuju knihu kamunizmu" chacieła vydać adno biełaruskamoŭnaje vydaviectva, šukała dabračyncaŭ, što achviaravali b na vydańnie hetaj taminy, dyk usie admovili. Bo pierabiła adno maskoŭskaje vydaviectva, što litaralna za paru tydniaŭ da taho kupiła aŭtarskija pravy na rasiejskaje vydańnie. A ŭ dabračyncaŭ takaja ŭstanova, što kali niejkuju knihu vydavali pa-rasiejsku, to na biełaruskaje vydańnie ŭžo nie achviarujuć, kažuć: čytajcie pa-rasiejsku. Duraść, viadoma. Treba nam, biełarusam, samim na hrošy vybivacca, kab ni ad kaho nie zaležać.

Chiba ž možna "ačyščać" čyjeści mastackija tvory, pahatoŭ ad kamunistyčnych dohmaŭ? Tak nia robicca.

Kali niešta prapadaje sa skryni, dyk skažycie paštarkam, mo jakaja pamyłka była, a padkopy tut naŭrad ci mohuć być.

Kiryłu ź Miensku. Kniha dobraja, ale napisali Vy pra jaje mienš, čym taho vartaja kniha Kastusia Kalinoŭskaha, pryčym ułasna pra jaje — amal ničoha, usio, jak Vy sami pišacie, "biaskoncyja kamentary". A čym jana adroźnivajecca ad papiarednich padobnych zboraŭ — nia pišacie. A što ŭ joj — taksama nia pišacie. A kali i kim vydavalisia papiarednija, chto ich składaŭ i chto sabraŭ hetuju? Darečy, adna "asablivaja padziaka" ŭ joj čaho vartaja i kolki daje hleby dla razvažańniaŭ! Recenzija na knihu moža być i zusim małoj, ale ŭ takim razie jana musić być najpierš infarmatyŭnaj i lapidarnaj. Vaša ž u jaje ciapierašnim vyhladzie vydaje na materyjał dla hazety "Kultura", pieradusim advolnaściu mierkavańniaŭ i błytanymi sensami słovaŭ (5 000 — nakład nie maleńki, a rekordny dla biełaruskaj knihi za hety hod, kali nie ličyć padručnikaŭ i słoŭnikaŭ; "Knihazbor" drukuje dakumenty adnosna bolš-mienš viadomych histaryčnych asob i padziej" — o Boža miły, to-to napisali!). Recenzija — sapraŭdy adzin z samych składanych žanraŭ, jaki patrabuje vializnaha intelektualnaha dośviedu j hustu. Niezdarma pa-biełarusku mała chto piša ŭ hetaj formie, chacia na Zachadzie heta najpieršy ź intelektualnych žanraŭ. Nie pakidajcie sprobaŭ.

Iharu ź Miensku. Adras hazety "Biełarus": 166-34 Gothic Drive. Jamaica, NY, 11432 USA/ZŠA